北海道秋の絕景遊 5.1. . .

北海道秋の絕景遊 5.1. . . 

迎接行程最後一天是一個多雲的早上, 所以, 沒有拍到日出的照片 . . . .

溜到斜坡下面, 原來是 "祝津パノラマ展望台" 昨晚竟然沒有看到. . . . 

多拍了幾張, 又回酒店再浸一次溫泉才吃早餐 . . . .

嘿, 附溫泉室就是有這個日泡夜泡的方便 

哈哈, 泡完溫泉, 趕緊收拾行李, 準備 check out才下去吃早餐, 竟然一張照也沒有拍  昨晚一定是喝多了. . . .  還是, 仍沒有從沒拍到日出的底谷回來. . . .  嗄, 襯好天色, 出發了 . . . . 酒店的員工, 也是一字排開的在門口送別我們 . . . .也讓人多留一點不捨的感覺 . . . .會再來嗎? 也許不了  雖然, 景色真是好得不得了; 但是, 行程的安排, 價格的因素 . . . .嘿, 下一次再想吧 

一回到札幌就先到Stellar Place 6/F的『回転寿司 根室花まる』登記, 在門前的登記簿寫低了自己的名字和人數, 便可以安心行街, shopping. 或許是星期六的原因, 才早上11點多, 開門不久, 已經要輪候90分鐘  . . . .

經過大通公園, 札幌秋祭2010 人山人海呀 . . . .

最近兩年都有在札幌遇上秋祭, 各個地區都會拿他們的人氣產物到札幌來推廣 . . . .

說實話, 我每次都只是旁觀別人興高采烈在排隊買票, 挑食物 . . . .倒沒有一次自己落場參與, 但是, 今次因為團友多, 意見多, 想shopping的更多  便一起湊熱鬧, 東看西嗅的. . . .原來, 也不是只有吃的, 也有不少手作仔在擺買. . . .

還好, 是行程最後一天, 團友可以儘情購物也不用擔心超載  啊, 在大丸的 2/F竟然發現 Agnes b. 的櫃台 (ボヤージュ札幌大丸,0600-0005 北海道 札幌市中央区北5条西 4-7 大丸札幌店 2階, 011-251-8950) , 團友又有收獲, 仲要系仍然比香港平 

大家都有收獲, 又點少得我嘅"飛佛" 

當然系我離開北海道前必停的一站Fruitscakes Factory  

秋季最啱食番件黃金桃同南瓜餅;  兩件都咁好味   真系, 越坐越鍾意呢度 . . . .

要走啦都仲咁好天氣 . . . .多謝關照

回到大丸, 除咗行Agnes b. , 當然也要探吓Charlie同Snoopy, 睇吓北海道限定版  . . . . 真系點捺都捺唔住, 團友又大出血 . . . . 未到千歲便要玩集資  好彩我一早扣起晒佢地D車費同飯錢 . . . . 唔系, 要佢地用 0.096同我兌佢地就知味道 . . . . 

行夠, 買夠, 回到6/F食壽司 . . . . 咦, 行咗咁耐, 仲有得食咩 ???  放心, 一定有, 你只要記一下大約登記的時間, 同負責叫名的服務員反映你剛回來, 他便會幫忙找你登記的名字, 如果, 找得到, 一般都不會要你重新登記, 會請你在一旁等一會, 便可以安排你入座  呢D服務, 真系北海道先有  

差不多2點才上JR出千歲 . . . .

原來, 立食既風已經吹到JR車站, 大家如果真系好趕時間, 不妨試吓 . . . . 睇佢又好似幾食得吓 

到咗千歲自然又系指定動作 . . . . 840Yen 既薯仔人, 1200Yen 至 1500Yen既赤肉蜜瓜 . . . . 掃啦 , 無辦法, 只得我仲有Yen系袋, 所有團友即刻變身 . . . . 做晒我既債仔   

雖然系羽田睇唔到高達, 系千歲比我睇到比卡超補番 

5天行程順利完成, 睇既, 食既, 買既都滿足晒 . . . .  至於玩既 . . . . 呢班團友真系比多日佢地一定會將我玩謝, 剩系嗰3支 Moe¨t ＆ Chandon Impe´rial Rose´都已經夠我坐成晚 . . . . 鬼叫比佢地知道我唔飲酒, 剩系飲 Champagne . . . .哈哈哈 

P.S. 成日都有團友問, 買咗蜜瓜, 自己抽住上機, 唔辛苦咩 ? 如果寄倉. .  .會爛嗎??  這個, 其實要分開諗, 我自己每次買蜜瓜回來都系寄倉的. 因為, 一來怕重, 一個已經成kg, 抽住兩個由北海道返香港嗰D大力士, 我真系好佩服,  二來我絕對信任日本嘅航空服務, 我試過JAL, ANA 都系將D蜜瓜寄倉, 回到香港暫時都未出過問題, 只系要在行李輸送帶多等一會, 便有專人推出來, OK Good 啊. 而且, 我系ANA 寄倉時, 他們是在處理好我的行李後再幫我搞寄蜜瓜的, 沒有把重量算在一起 . . . . 賺啊  不過, 如果你D行李一早超重, 又唔忍得手, 咁就要系香港 操fit D先至好出發喇