咁晏先到 Tomamu , 天都黑了… .
沒有雪上活動, 放下行李先去醫肚
用新建成的通道, 從Tower直接步行去新開張既自助餐廳
北海道ビュッフェレストラン hal（ハル）
(位置是在水之教堂的Hotel Alpha Tomamu, 行程約5分鐘, 因為有人打開了通道的門, 空氣和室外一樣冷 …
)新嘢, 吸引咗好多住客, 同我地 . . . .
所以要等位 …
但系今晚安排了活動, 時間太寶貴了 … .
只好轉shuttle 去森林餐廳（Nininupuri） … .
一樣咁多人 … .
但就唔駛等, 可以即時入座
哈哈, 打咗格仔添 … .一張咁多啦
Sorry, 唔好意思 …
今日睇番先留意到, 原來, 因為開咗 “hal" , 森林餐廳 只做期間限定至11年1月9日, 即系上星期日, 而家又無lu … . 大家想食自助晚餐就要回到”hal”(原來自己今次真系咁有運都唔知…
多謝 
)食飽飽就出發去 Ice Village
等shuttle時有好多人, 遇到X安和縱X遊, 大家都在 VIZ spa house下車 . . .
日本人就轉右入VIZ spa house 嘅 木林の湯 享受飯後浸浴, 香港人就靠左行過去 Ice Village … .
兩批人分開行, 真系覺得好搞笑
Ice Village 沒有預想咁大
團友在不太高嘅雪丘上玩 “滑雪” … .
在雪丘上看到全景 …
左手面的小舖有煙花, 熱飲, 棉花糖售賣,
正面系3間雪屋嘅入口
入口後有一條圓頂通道 . … .
通道會不斷轉換顏色 …
左手邊第一個出口系冰餐廳
全部都系卡位
可以坐到10點
第二間系冰杯工作室 ¥900 (自製冰酒杯)
自製一隻冷杯大約要30分鐘以上, 看你的要求是否精細…
邊隻系我整嘅你估到嗎?
第三間系冰酒Bar ¥1300 (附冰杯飲料)
冰酒Bar 門口多咗一道冰屏風,
無咁入風 … .可以在冰塊切成嘅枱櫈上坐耐D
第四間冰屋未開放 - 工事中, 相信會系1月8 日先開放嘅氷の教会
玩到夠, 行出嚟可以去火爐暖番吓
再影多幾幅 … .
Ice Village 系有得玩熱氣球 … .
不過, 只系在10年12月26日～12月30日和 11年1月3日～1月6日の期間限定, 料金：大人¥1,500, 3歳～小学6年生 ¥1,000, 営業時間：20時～22時 … .
咁即系依家… .無lu
第二日嘅行程完成
總結 : 旭川企鵝真系好可愛, 好受歡迎, 動物號換咗新裝都幾有趣, Tomamu Ice Village 可以話好有氣氛, 一直播放音樂, 變換燈光, 團友又造冰杯, 又在小雪丘玩滑坡, 一家大細都可以參與 … . 唔錯.
(玩咗成兩個鐘, 好在著夠衫, 大家要小心 
)當然, 玩雪裝備要小心D, 小朋友直接坐在雪上玩一定要穿雪褲.
因為要去旭川動物園, 令車程長咗, 日間沒有了雪上活動, 仲要遇到D人肉報景版, 動物園嘅感覺 … .唉
好彩Package 包 VIZ spa house 一日卷同木林の湯入浴卷, 天日補番數
待續
由於今次我係第一次去Tomamu，你認為dinner我選hal好定森林餐廳好呢? 我見森林餐廳個景都好靚。
回覆刪除[小肥回覆01/12/2011 10:35:00]哈哈, 如果你只留一晚, 咁不如睇行程決定啦 . . . 順路嘅我覺得森林餐廳舒服D (唔駛點等位) 當然, 你要臨場再決定 . . . .睇吓撞唔撞到D港團 . . . 而且, 森林餐廳 好似都有時限 . . . .
森のレストラン「ニニヌプリ」が期間限定でオープン！ 営業期間：2010年12月23日～2011年1月9日 営業時間：17：00～21：00 ディナー . . .
又無咗 ???
我啱啱又再睇過website，我相信森林餐廳真係得以上日子open，可能係聖誕及新年會比較多人，所以開多一間餐廳 (熱氣球都可能係同一原因)。
回覆刪除如果係咁嘅話，我只可以選hal，我會31/1入住，應該未到香港嘅農曆年假，希望唔會有太多嘅港團喇! 不過响依D大時大節去玩，一定會遇到不少香港人，記得舊年我去東北，無論响火車、巴士、酒店、食肆及觀光點都聽到唔少廣東話，最誇張我見到一班由山形開去藏王溫泉嘅巴士上有起碼8成係香港人，由於太多(香港)人搭，一架巴士唔夠載，要開多一架巴士，最後我坐咗第二架巴士。
[小肥回覆01/12/2011 11:54:00]嘿, 真系唔好意思 . . . .越想幫手, 越多錯漏添 出去遇到香港人其實本應系開心嫁, 我最記得自己同好多blog友在自由行時都遇到樂於互相幫忙嘅香港旅人, 有D仲keep住聯絡, 做埋朋友 . . . . 只系, 總會有少少人, 在出去時會完全放縱自己, 以致影響到其他旅人嘅活動 . . . . 點都好啦, 大家出去玩, 最緊要放鬆心情, 開開心心, 平安回港
唔駛唔好意思喎...我都曾經遇到一些很好嘅香港人，為咗幫我哋而阻咗佢哋一D時間，令到我非常唔好意思。所以我哋响日本遇著D香港人有困難，可以幫到我哋都會儘量幫。
回覆刪除無法喇，每個國家都有一些唔識自律嘅人，總之自己做好自己本份咁就得架喇。
tomamu比較特別係森林晚餐..其他就好似動物園咁..同港人迫...原來熱氣球係時限...所以我去時見唔到
回覆刪除森林晚餐豬肉飯幾好食..有冇食呀？
[小肥回覆01/12/2011 16:53:00]哈哈, 今次d熱葷都唔系咁吸引, 系個鐵板牛肉, 同蟹湯 (鐵炮汁) 好得, 我地食到唔停口 . . . 我都系今年先知tomamu樣樣都話期間限定, 如果唔滑雪, 可能會有d失望 . . . .
日本人去Viz Spa House, 香港人去Ice Village... 真係好搞笑....可能日本人已經去過好多次, 冇興趣, 如果第日有機會冬天再去Ice Village 都係為咗帶小朋友去.....如果唔係我都會揀去Viz Spa House, hehe
回覆刪除[小肥回覆01/12/2011 16:49:00]嘿, 系啊, 好奇怪, d 日本人對Ice Village 唔系咁大興趣, 都有做冰杯, 同飲嘢, 但就一定唔會好似我地咁起哄, 興高采烈咁 . . . . 佢地同d小朋友做冰杯時都好靜, 凈系我d團友喺度大呼小叫 . . . .失禮晒 . . . Viz Spa House 我睇你舊年都ok, 今年自己帶團, 就玩到無晒氣 . . . d小朋友真系唔講得笑
ice bar系唔系全部香港人? 咁米即系同去旺角酒bar無分別, 只系多左d冰 , tomamu已被我列入不會去的地方... , 北海道太大, 有好多地方可以去, 年尾公司都無野做最近好閑,所以連下次的行程都攪掂埋
回覆刪除今年的小旅行都攪掂埋, 睇下到時去唔去....嘿嘿
[小肥回覆01/12/2011 16:24:00]嘩, "最近好閑" . . . 駛唔駛咁張揚. . . . ice bar唔系全部香港人, 不過系多數 所以, 我等d港團走晒先過去, 不過, 酒味真系好濃. . . . tomamu不去沒問題, 大把地方可以去 . . . 最怕比電占講中, 我玩到北海道爛咗, 咁就要回歸本州. . .
點會爛, 你帶團都是十年如一日那幾個地方, 下次改地方米得囉. , 而加最想知三余庵系米比港人攻陷了, 系就唔去lu.
回覆刪除[小肥回覆01/12/2011 16:38:00]嘿, 三余庵 . . . .我都怕, 所以 2月唔去, 情願去 十勝川溫泉第一ホテル豊洲亭・豆陽亭 留番d $$$ 餵天鵝 帶團嘅嘢, 梗系要有d揸拿, 唔系實比團友遺棄我系北海道 (我就想. . . ) 所以, 你執少少位帶我出去見識吓啦
係今日噤凍0既天氣....睇你篇野真係凍到入心入"月市"
回覆刪除[小肥回覆01/12/2011 22:34:00]哈哈, 咁你快D去披番件衫啦, 仲有幾日你凍
小肥 : 冰之酒吧 , 正喎 ~
回覆刪除Bye Bye !
[小肥回覆01/12/2011 22:32:00]嘿, 酒後駕駛系 . . . 你要小心揸車呀
唉...早兩日有個同事話我知ANA有package可以住三余庵，不過價錢貴D咁解，我仲响縱X遊發現今年農曆年辦了一團超豪旅行團會住一晚第一豐洲亭(私人風呂)或三余庵，不過只辦一團。第一ホテル我都預咗會碰到唔少香港人，佢地方大D都還可以接受，但三余庵就....真係唔想見到11間房都係香港人囉...好在我09年5月已經住過啫。
回覆刪除[小肥回覆01/12/2011 22:29:00]哈哈, 我就系用ANA個 package 囉 總之三余庵, 我暫未系時候, 如果咁唔好彩比香港人攻陷咗 . . . .我咪等D熱風吹完再去囉 . . . .我仲等得
咁快玩到爛? 唔會掛. 試晒咁多秘湯同美食, 仲有D小島, 海岸咁..先講爛都未遲..鐘意咪去囉, 想去咪去囉.. 去旅行係為自己, 唔係為左人地.
回覆刪除[小肥回覆01/14/2011 22:30:00]哈哈, 應該唔會咁快 . . . .不過, 我幾乎每次到札幌都到幾間自己特別喜愛嘅餐廳 . . . 再寫多幾次 . . . 仲唔悶到你地走晒咩 . . . .哈哈 秘湯同美食 . . . .我都ok, 不過唔會追求, 小島, 海岸 就一定要睇得幾多得幾多. . . 我鍾意呀
how much one night hotel in tomamu
回覆刪除[小肥回覆03/08/2011 16:55:00]Kee, its depend on TIME (peak seasons/ low season) number of guess (2 or4) and which hotal in Tomamu. There are 3 Hotel available in Tomamu. I can only say the price range for ONE person is 4000Yen to 24000Yen subject to which plan you took. You can check the LINK from 樂天 http://web.travel.rakuten.co.jp/portal/my/jyouhou_page.main?f_no=30110&f_flg=PLAN&f_teikei =
or come again.
我想2012年1月第1個星期就想去果個水之教堂結婚,我又睇到呢個網頁有2間酒店係度假村裡面 http://www.tomamu.com.tw/ ,所以我想問下你邊間酒店會平d ,如果我係果度結婚又會唔會有其他酒店介紹比我呢 麻煩哂你 !!!
回覆刪除[小肥回覆03/08/2011 17:21:00]啊, 恭喜你呀 你如果有興趣系水之教堂搞結婚, 唔好自己 book 酒店, 佢地有婚禮package 包來賓住宿, check 呢個 http://www.waterchapel.jp/wedding-plan.html 可以直接問一吓婚禮安排同 confirm booking. 而係果度結婚 唔會 有其他酒店介紹比你, 一定最好喺內面住, 因為, 1月份一會好凍, 同大雪, 最近要去 "新得"一個鐘以上, 揸車都可以, 但唔太方便 另外, 一月亦可以喺 冰之教堂行禮