搞咗幾年滑雪團, 越來越發現影唔到相寫 blog …
無法啦, 又做咗註團攝影師, 團友又玩得開心d … .
27號出發, 早上機 … .
經過晴朗既富士山
去到東京 …
竟然人影都唔多隻
D高Yen真系咁趕客 定系大家都留力在雪祭 
帶住一大堆問題過境 … .
囉咗行李, 團友提出不如check in 先, 反正買JR pass, 食飯都仲有排搞… .
好提議
去到ANA counter, 地勤姐姐竟然問 : “你地需唔需要早班機出發去札幌 ? ” (當然, 佢系用嗰D好重日文口音既英文講 … )
聽到我地O晒嘴 … .平時, 都系多數話比團友聽航班 delay, 今次一話可以早成3個幾鐘飛札幌, 成個 hall 比我地叫到冚咁濟… . .
大家立即行動, show晒d passport 比姐姐改機位, 寄行李… .
哈哈, 出發啦 …
又嚟驚喜 … . 坐小型機, 大家有機會在停機坪親近航機 … .
航班15:25起飛, 賺咗 3個幾鐘 … .
當然, 其實原本系唔可能趕得到呢班機的, 好在, 香港嚟嗰班機早咗到埗, 入境又唔多人, 一加一就等於 … .17:10到達千歲機場
快手快腳買完JR Pass, 出晒3日指定席就上車去札幌
入 ホテルクレスト札幌 ckeck in …
學人show 吓間房先 … .
Package 包咗T38 既入場卷, 又賺700Yen
房就一般啦, 唔太新, 勝在乾淨 …
同Hotel Gracery Sapporo 點比呢? 下次試過話你知.
既然早咗到札幌, 咁第一餐食D乜 … .唔駛我多講啦… .
先上去- 回転壽司 根室花まる寫低個名同人數, 就去shopping …
行過地下街 … .有間 “神社”
shopping完番上去根室花まる啱啱好可以入坐 … .
相呢 ? 無呀, 掛住食 … .
埋單50皿先至系9000Yen … .
出發去T38睇夜景 … .
當然唔少得post 個”千奇百趣”既靚景男厠 … .
DC仔拍夜景 … .
唔好笑咁大聲… . .哈哈
10點就回酒店, 明早8點半車 … .
今日, 覺得大家好好運 …
香港 checkin , 過關 - 順利
航班早咗到達成田 - 讚
ana 比早班機出發 - Good
千歲觀光案內出pass服務快速 - 爽
Book 到28號特急旭山動物園號 及指定席 - Luck
第一餐就 根室花まる - 飽, 滿足, 開心
如果, 唔系因為第一日大家都忍住手 … .
當然, 代價系 … . 札幌市內 … .沒有雪 !!!
只有路肩一灘一灘灰黑既冰 … .
所以, 只好說句 … . 這個聖誕不太冷
待續
嘩! 咁正, 早三個鐘頭可以做多好多嘢啊!
回覆刪除點解你咁好可以影到富士山, 我成日喺人哋嘅blog都見到佢哋坐飛機時影富士山, 但到我自己金精火眼咁望住都見唔到呀!
[小肥回覆01/08/2011 15:07:00]哈哈, 多謝多謝 早咗三個鐘頭到札幌, 真系勁開心 想在往來香港 東京既飛機上看到富士山其實系有環境要求嫁 天氣好自然系首要條件, 第2就系去程坐A窗口位(面向機頭左手邊), 回程坐 L窗口位(面向機頭右手邊) . . . .咁就多數都睇到 富士山 而且, 如果回程坐 機頭右手邊 仲可以睇日落 . . . . 不過, 回香港多數在晚上, 我會選坐A窗口位, 搏一下, 在沒有雲的情況下看台灣既夜景 . . . .真系好靚 . . . 不過, 咁大個仔, 淨系睇過一次
又話冇咁快可以出遊記嘅...
回覆刪除你哋真係好好彩可以搭早一班機，早3個鐘即係有多3個鐘响札幌真係差好遠。我最後兩晚响札幌都係住Hotel Crest，因為唔貴囉... 3人房都係13,500yen，Hotel Gracery Sapporo 我都住過兩次，第1次仲係叫 Hotel Washington Sapporo，佢都好方便架，外型和裝修比較新穎，雖然位置响車站對面，但係佢個地庫可以直通去車站嘅地下街，就算打風落兩攞住行李去車站都冇問題架。
[小肥回覆01/08/2011 14:39:00]哈哈, 系呀 原本諗住整埋d嘢先開始寫 . . . 咁啱昨晚食咗感冒藥眼光光, 便坐在床邊 . . . .寫, 寫, 寫 . . . .哈哈, 又一編 如果有稿費就小肥變大肥 . . . . Hotel Crest 整體都幾好, 系焗咗少少, 新團友唔系好慣 Hotel Gracery Sapporo 好受大家歡迎, 我就怕太多香港人 所以新年住京王都唔住佢 . . . .為咗個早餐
lucky 小肥!!! 噤你就唔係太好彩，上年我都有好多雪雪...仲要第一日就飄雪
回覆刪除[小肥回覆01/08/2011 14:30:00]嘿, 運氣 . . .能有一點點就已經很好, 很滿足 當然, 你系大好運, 我一樣羨慕 至於雪, 我在Tomamu 玩返夠
勁呀, 好運到無得頂!! 好靚的夜景！ 根室花まる 我下次都要試！
回覆刪除[小肥回覆01/08/2011 14:23:00]多謝多謝 天時, 地利, 人和啊 . . . . 加一點點運氣當然更好, 大家玩得更開心. 根室花まる 我自己差不多一定會去, 因為, 我坐JR . . . .
小肥 : 終於黎料 ~ 根室花 , 正 !
回覆刪除T38 男廁 , 果然名不虛傳 .
Bye Bye !
[小肥回覆01/10/2011 10:35:00]哈哈, 儘力, 儘力 . . . . 根室花 已經系我嘅食堂, 基本上走唔甩 T38男廁 , . . . . 就系特別為你post 多次啦 . . . 個住宿package 除咗包上T38參觀, 仲包一杯飲品嫁 你都可以考慮吓 . . . . 不過就無得入T38 男廁
好幸運喎小肥, 跟直航到達札幌時間差不多呀!
回覆刪除Hotel Gracery Sapporo 外型真係幾型呀!!
我上年2月5號係札幌路邊勁多雪, 但到12號返到札幌,路邊得番d黑色小小堆的雪.. 幾日就可以相差好多架啦!!
[小肥回覆01/10/2011 09:06:00]系呀, 我睇到blog友d相, 23號札幌落雨, 24號先落咗有d雪, 我去時又好天, 所以 . . . . 不過, 真系覺得整個行程都有dd運仔. . . .. 你地準備好晒未啊, 我會早你地一d出發, 儘量出發前寫完呢一程, 唔要變無尾小肥
好好玩嘅行程啊！我都想去Tomamu，但係自己又唔識滑雪，會唔會無嘢好做呢？等住睇你其他遊記，就知道Tomamu好唔好玩lu。
回覆刪除[小肥回覆01/10/2011 09:00:00]哈哈, 你地去開拓村雖然無人, 但一樣玩得開心呀 我地組團其實都唔系一定完成全部行程, 只要好玩, 基本上都會一路行一路改的. 旭川其實都有可以參觀嘅地方, 當然, 大家興趣唔同, 覺得好玩就最重要 . . . . Tomamu 可以話系多樣化的酒店, 不過, 真系唔可以用 Resort 嚟形容 . . . .
我去滑雪都係跟團
回覆刪除第日要學下自由行!!
[小肥回覆01/10/2011 18:25:00]哈哈, 多謝到訪 真系試啡呀, 呢道好多blog 都系鍾意自由行 . . . .自己 plan 系有有趣嫁, 即使犯罪行錯, 一樣系好經驗
You are so lucky, 早咗3個鐘去札幌......
回覆刪除[小肥回覆01/10/2011 18:27:00]哈哈, 多謝. 真系超 lucky . . . .簡直就系直航咁爽
早3個鐘到真係好好彩...根室花係飯堂...真係有錢的小肥...唔抵得呀...我次次都食唔到
回覆刪除[小肥回覆01/12/2011 23:02:00]嘿, 咪咁啦. 小小運氣大家都需要嫁 . . . .你分d, 我分d咁啦 , 我呢邊人多d, 加埋咪順利dd囉 根室花係平民飯堂, 只要你肯等, 一定食到嘅