先祝大家元宵節快樂 !!!
哈哈, 有Blog 友話我系小樽點樣可以唔食飯行足成日 …
梗系唔可能唔食嘢啦
除咗燒帶子同海螺,中午走咗轉去界町附近嘅和樂食迴轉壽司,可惜 … 壽司雖然合格, 但我地遇到有香港人教仔 ! 重教到全場都聽到 
真系影響心情 … 
大家只好匆匆食飽就閃 
中間就tea咗一tea, 一杯熱朱古力加軟雪糕, 兩種感覺都試齊…
晚上因為一直不停影, 影到過晒時間, book咗海貓屋都無去到 … 
算啦, 反正我去咗都系只會叫嗰幾個菜 … 都系毫無新意 
所以, 一影夠就上JR直達札幌(有pass唔好浪費), 今次食拉麵 …都系 味の時計台 , 又唔駛post相 …哈哈
********************************
好天氣獻給你 …
又系訓到飽, hea到夠先出發 …
check out 時拖行李出JR札幌駅都真系唔輕鬆; 唔系因為比較遠, 而系一路上都系半融嘅冰雪, 又濕又滑 …仲要好污漕
兩個幾鐘車程, 話長唔長 …
總之d團友就不停咁食 … 零食
影
影
影
中途經過Tomamu
系唔系要再嚟多次試吓 「北海道ビュッフェレストラン hal（ハル）嘅和牛呢 … 都好多人嚟噃
帯広駅仍然好天氣 …
仲有鹿仔 … 雕塑
出咗JR駅, 北口, 右手巴士站旁前面過馬路 …
然後轉右行幾步 … 元祖豚丼到著
昭和8年創業嘅老店, 獨孤一味, 賣豚丼, 有松, 竹, 梅, 華四款, 分別只系豬肉嘅數量多少 … 當然比貴D就食多塊啦
呢碗系”竹” …
唔記得有幾多塊烤肉, 因為, 太好食 … 唔停得口
食飽飽見仲有時間, 向六花亭出發 …
又見到鹿仔 …
十勝川溫泉第一ホテル豊洲亭・豆陽亭嘅接送車好準時, 讚
不過都要等一pair 日本人 … 佢地仲系住 三余庵 … 羨慕
和式四人房 …
ok 啦 …
掉低行李就即刻動身去期待已久嘅”白鳥護岸” 餵天鵝 …
從酒店行過去大約需要5分鐘
點知 … 就見到咁嘅告示 “白鳥護岸立ち入り禁止”
唔系呀 … 
團友都覺得唔好系新正頭同佢(禽流感)搏 …
唯有, 行番轉頭, 玩雪兜同影, 影, 影 …
又影吓入面 …
仲可以比500Yen租番件靚靚浴衣 …
唔駛$$$會唔會好d呢 …
晚餐時間喺呢間 ~ 木もれび
我地人多, 安排咗一間房 …
已經擺好晒食物 …
唔系得咁少嫁, 不過, 一開始食就忘記影lu …
食飽就搭酒店車去睇 第20回白鳥まつり【彩凛華】
會埸好凍, 團友都只系匆匆影幾張, 再四維睇吓
小團友就去玩滑冰梯, 不過 … 系簡陋版, 又無工作人員照顧, 只系有幾個水泡比遊人自己帶上斜坡再滑落嚟 …
不時仲有小朋友走唔切, 比撞倒 …
結冰的肥皂泡體驗好似幾有趣, 不過, 無人試
手湯就最受歡迎, 啱晒時候
沿呢條路可以去以 “モール温泉豚”做特色主題菜嘅餐廳 …
可惜, 入面保暖嘅同時仲保持埋一陣濃郁嘅怪味 …
只好影埋門口嘅雪燈 … 上車返酒店
跟住就梗系浸番夠啦
待續
小肥 : 終於黎料 , Yeah ~
回覆刪除想問 "十勝川溫泉" 果度有冇見到 "天鵝" 呢 ? 我就一隻都見唔到 .
Bye Bye !
[小肥回覆02/17/2011 08:59:00]我地系酒店前面條小水溪見到兩隻 . . . D團友想行近D影相就飛走咗 . . . 第二朝早都見天鵝飛過 . . . 不過就只可以用眼睇, 麵包用嚟餵自己
我臨離開十勝都過咗十勝第一的外圍揾天鵝, 都見唔到又無睇告示唔知因為禽流感添....我都覺個雪梯好危險, 係要現場的爸爸媽媽去控制秩序, 所以大小姐玩咗一次我已經唔俾佢再玩, 而那個吹泡泡我家小姐一玩就好多小朋友玩喎! 可能未夠凍, 都唔結冰嘅?
回覆刪除[小肥回覆02/17/2011 18:18:00]哈哈, 嗰個告示就喺十勝川橋下面, 如果, 你地揸車經十勝川橋下面入"白鳥護岸" 就應該會見到用路障封咗路 唉 . . .總之我地就無咗一件重頭戲 個雪梯真系唔得, 吹泡泡嗰度都系無工作人員, 我地見到有一筒飲管同 一個冰筒, 睇圖又唔系好肯定點玩, 所以, 又無人試 . . . 可能系嗰晚真系太凍, 成個場地D人都唔知去晒邊, 音響又好大聲, 如果睇住D燈都仲可以, 唔系都會覺得嘈. . . 無辦法, 又系快閃
咁係咪根室花好食過和樂？去六花亭有冇食奶油卷..好食又驚喜過豚肉飯，晚餐咁少相 小肥影相有進步
回覆刪除[小肥回覆02/17/2011 17:56:00]哈哈, 我部把鬼DC 有人讚 . . . 好開心呀 根室花好食過和樂 . . . 我同意 六花亭奶油卷我唔系好啱, 不過團友試咗都話好食 . . . 我自己鍾意紅豆 同生菓口味多D. 我系六花亭食 " 栗ぜんざい " 元祖豚肉飯 我OK呀 , 好鍾意嗰度好有食店嘅感覺 特別系嗰個婆婆第二日去嘅時候認得我地, 猛咁同我地講多謝, 又話小團友可愛. . . 晚餐少相 . . . 呢個問題其實系因為我唔鍾意食晚餐都仲掛著影相, 通常呢個時間系我最自在嘅時候, 都唔會影相, 免得個食相趕客 . . .
彩澟華大家都唔欣賞. 我見唔到D鹿仔既?可能天黑瞓晒覺.
回覆刪除[小肥回覆02/18/2011 14:04:00]哈哈, 鹿仔就走唔郁嘅, 就系六花亭前面個商場門口就有 . . .不過你地自駕就梗系一眼關七咁, 專睇靚景啦. 彩澟華 ~ 如果單純以心思計, 都ok啦 不過, 雪景再靚, 大家見得多就有比較, 十勝呢個場, 天氣凍得呢又黑咗d (唔黑睇唔到燈光), 變咗可以睇嘅唔多, 指示唔清晰(我地睇唔明日文), 人手唔多夠(太凍呢埋咗) 咁 . . .下次囉, 睇吓會唔會有改善 . . . 又可以諗吓去多次餵天鵝
我兩晚都無出到去呢~
回覆刪除[小肥回覆02/18/2011 14:13:00]嘿, 睇咗你個"道東三巡" 啦 . . . 羨慕 不過, 我諗, 可能系自己未有家庭, 所以, 比較鍾意同團友share, 話開心d又得, 話搞鬼d又得 . . . 不過就一定系嘈過兩個人 . . . 而且, 今次又有小團友, 所以放棄咗"三余庵"
謝 謝分享
回覆刪除[小肥回覆02/18/2011 14:14:00]哈哈, 客氣啦 歡迎光臨
To : jokelib
回覆刪除Sorry, 你個"道東 湯 巡" 先啱, 唔好意思, 手快打錯
結冰肥皂泡？好似好吸引喎！點解唔試吓呀？
回覆刪除D豚丼真係............好正呀！
[小肥回覆02/18/2011 15:52:00]嘿, 事實系- 個場地好黑, 結冰肥皂泡嗰度都系無工作人員, 我地見到有一筒飲管同 一個冰筒, 冰筒入面又無水, 睇圖又唔系好肯定點玩, 所以, 又無人試 豚丼 . . . 我好ok, 不過都有blog 唔同意, 話第二間好d
哈哈，好有趣，你依篇blog同我遲D出嗰篇有9成9一樣，咦? 咁我個篇係唔係可以唔出呢，post你條 link出嚟咪得囉 (笑)。
回覆刪除我哋終於都係去咗元祖豚丼，本來諗住去第二間，不過老公話去番依間喇，佢覺得都幾好食，仲有阿仔未食過喎，第三次食味道都OK嘅，阿仔未食過所以話好好食。跟住又係去咗六花亭，不過冇上樓上tea (因為D豚丼都未消化)，只係買咗奶油卷食同埋飲咗佢D無料咖啡，之後又係坐接送車到酒店，又係住豆陽亭，又係去睇白鳥但又冇得睇，食完晚飯又係去睇彩澟華。唔知仲有冇blog友又係同一行程呢? 哈哈...
[小肥回覆02/18/2011 22:06:00]哈哈, 事實證明, 香港人雖然好拼搏, 但系出去玩都希望順順利利, 平平安安 最緊要開心 所以, 大家PLAN行程就梗系睇清睇楚, 自然就都會偏向保守. . . . 如有類同, 實屬巧合!!! 而且, 你應該比我早兩日到十勝, 我要向你參考先啱, 快D寫出嚟啦, 等大家睇到唔同人, 就算行程一樣, 地點一樣, 都可以有唔同嘅樂趣啦. . . 話唔定, 會有人問我地系唔系一齊出發呢
小肥 : 我都係住 "豆陽亭" , 不過係 411 .
回覆刪除Bye Bye !
[小肥回覆02/19/2011 00:54:00]咦, 411 好正噃. 有橋景, 仲有小露台, 夜晚睇住個景, 唔駛訓啦
夕食好唔好食?
回覆刪除[小肥回覆02/19/2011 13:21:00]哈哈, 你問我就一定唔好食 (比你系新潟食咗嗰D計) 講真呢 . . . 呢一餐無我預期中咁好 不過, 我地系用ana package 訂房, 無辦法有更高要求, 所以, 我地雖然明知食唔晒 . . . 都有加餸 (因為d先附, 配菜, 煱物 . . .都唔系個個團友啱食) . . . 重加到成枱都系又食唔晒 所以, 梗系唔post 出嚟獻世啦
元祖豚丼好正呀, 跟團唔駛指意有機會去食啦..............
回覆刪除[小肥回覆02/21/2011 19:35:00]哈哈, 到底你系去沙巴, 定去北海道呢. . . 有JJ 教路, 一定唔會有問題啦. 跟團, 唔跟團 . . . 大家各取所需啦 . . .
我係小樽海貓館都有香港人熱烈討論, 令日本人側目, 我只好全程低頭食食食..........
回覆刪除[小肥回覆02/21/2011 19:32:00]唉, 我BOOK 咗位無去 . . . 你地見唔見到有空位留咗呀 . . . 唔好意思呀 不過, 如果我地去咗嘈到拆天嗰個可能系我 . . . 咁你有無試全蟹意粉呀, 得唔得
蟹意粉好得!! 魚生飯重得!!! 好味過政壽司.
回覆刪除[小肥回覆02/24/2011 23:53:00]哈哈, 咁就真系證明你好欣賞海貓館 . . . 嘿 . . .幾時到我呢