噖晚食飽飯(烤肉) 其實都幾夜, 加上掛住今日嘅重頭戲 …唔系訓得太好 
唔關酒店事, 張床已經好唔錯 …
系自己責任大, 有D壓力啫 
又系另一個晴天, 第5日都晴天 … 真系好感恩 
留低團友享用酒店嘅簡單早餐, 自己走出外面
昨晚仍然黑漆漆的網走駅, 今早系完全不一樣的感覺
獅子會送贈嘅?
前往道の駅坐 網走流氷観光砕氷船 おーろら嘅期間限定巴士站就在酒店對面 (即系網走駅前)
班次都幾密 …
唔駛擔心, 車程唔多過10分鐘 …
坐9點正開嘅就OK啦 … 大人190Yen 小朋友100Yen
巴士好準時開 …
話咁快就到咗道の駅 …
正準備拿出預早打印好嘅 booking編號 …
點知, 櫃台嘅接待員不停咁講咗一大堆日文 …
再指吓個牌仔, 寫住 “ 流氷なし, 海上遊覧 “ 唔系嘛 !!! 
真系幾乎喊出嚟 
真系幾乎喊出嚟
團友問 ~ 咁即系點呀 ?
十幾隻眼望住我, 我又望吓團友後面嗰班香港嚟嘅自由行 … 幾十隻眼(同車20多人都系講廣東話) 
唔衰得, 山長水遠, 幾經轉折先嚟到呢刻 …
無流冰都要上船, 最多就影海水啫 …
果然, 我地決定上船後就連其他嘅香港人都選擇上船 
呀, 雖然系好多blog友都有同一個問題, 話其實破冰船唔駛預早喺網上book … 不過, 我見到嘅系, 因為我地有booking 編號, 比$$ 就可以即刻上船 …
無預book 嘅都可以上船, 不過要等有book嘅上晒, 再睇有無位, 如果咁好彩無位…
都唔駛驚, 佢地會同時開出第二班 
只系會喺我地後面啫
只系會喺我地後面啫
上船就搵位坐 …
船身嘅位都已經坐得七七八八, 我地成班人就自動比多400Yen, 坐船頭嘅 “特別客室 ” …
船内売店都幾多嘢賣 …
原來, 肯比多400Yen 嘅人唔多, 我地幾乎包咗 …
未開船就第一時間走上頂層睇吓海 …
同比人圍住嘅海鷗 …
真系唔怕人
開船未有嘢睇, 大家就先自製節目 …
各位海鷗大哥, 埋嚟啦喂 …
望到實
睇到定
我食 …
再食 …
呢度嘅海鷗系唔系已經訓練有素? 
對我地高舉嘅蝦條非常敏感 …
對我地高舉嘅蝦條非常敏感 …
而且, 唔會一大班飛埋嚟, 而系三兩隻一批的在附近盤旋 …
等你一舉起蝦條就會飛落嚟, 睇到定, 先出口 …
可惜我地又衰張揚 … 船上便唔單只出晒中, 英, 日語廣播, 仲有船員埋嚟比交叉手勢我地 
唯有乖乖地收起D蝦條, 認真欣賞吓 ~ 海 同 鷗 …
到底, D流冰去咗邊呢 …
呢度 … 無
嗰度 … 一塊
呢度 … 咁大嘅一塊
行咗好耐先開始見到零碎嘅冰塊 …
然後船上開始廣播 …
大意系話前面有一道流冰帶, 隻船將會稍為改變航道, 大家準備觀看 …(咁上吓啦 )
)
開始見到流冰帶 …
呵 … 完咗嗱
流冰呀 …
跟住就開始回航 …
回到道の駅, 團友去手信店八吓, 買吓 …
我就去搵番個觀光巴士站 …
待續
真唔敢相信只差一日. 我地開航無耐就見流冰, 好長時間都嚮冰面行.
回覆刪除[小肥回覆02/24/2011 22:53:00]嘿, 運氣嘅嘢 . . . 話嚟就嚟 跟住嘅下半日仲搞鬼
你年年都去北海道, 今次睇唔到, 下次去過...補翻數..嘿嘿
回覆刪除我坐個隻船同你呢隻有d唔同, 我講船艙呀. 不過我無貼過系blog到.
[小肥回覆02/24/2011 22:51:00]咳咳. . .系呢幾年先去北海道啫 下次去過, 一定安排下次去補翻 有唔同嘅船艙, 真系要比過我見識吓噃
都唔明點解一兩日就唔見晒....
回覆刪除[小肥回覆02/24/2011 22:41:00]嘿, 連你都唔明 . . . 都無MUG人知LU
勁喎領隊，廿幾人都睇你頭喎，可能下次其中一個香港人喺後面睇吓睇吓預備跟大隊果個係我嚟架！
回覆刪除都有破到少少啦！唔好傷心，再去再去！
想問吓全個船程有幾耐呀？
[小肥回覆02/24/2011 22:40:00]哈哈, 你都咁去得, 一定有機會 嘿, 我又唔系真系傷心嘅 . . . 不過一定系可以更開心啫 全個船程大約都有成個鐘, 所以, 如果遇到低泣&, 真系一定要呢入船倉避吓先頂得住
Oh, 都有少少流冰, 好過冇啦!
回覆刪除[小肥回覆02/24/2011 22:36:00]哈哈, 真系好過冇啦! 人地破冰成個鐘, 我就破十零秒, 勁呀 . . .
嗱! 如果你淨係post有好大舊流冰的相, 咪催眠自己"我破冰呀!" 咁會唔會無咁傷心呢? 不過你都係會再plan下次架啦!
回覆刪除[小肥回覆02/24/2011 22:33:00]嘿, 好辦法 . . . 不過 . . . 唔似我 我地呢隻 DC仔走天涯, 有相就一定盡POST, 至多就系趕客啫 系呀, 一定有下次, 補番個穿頭 . . .
小肥 : 咁又唔係完全破浪 , 都叫做有D冰破 , 明年再努力過啦 .
回覆刪除又係果個位 , 又係一黃一白既海鷗 , 呢兩隻野我都見到 , 經常捕住果個位黎企 , 好識食架 .
同場加映天鵝同埋鷹 , 算係咁啦 .
Bye Bye !
[小肥回覆02/24/2011 22:28:00]嘿, 明年就未必 . . . 不過, 都應該一定會再去 海鷗呢家嘢 . . . 真系仲識食過我 今日, 真系要mug有mug . . . 跟住睇你就知
水多過冰哦, 好失望呢!!
回覆刪除[小肥回覆02/24/2011 22:21:00]哈哈, 凍飲就一定系水多過冰 所以 . . . 唔好攤咁耐, 要去就襯手呀
塊冰都唔細喎! 我係知床都遇到1晚無晒D冰的情況!
回覆刪除[小肥回覆02/24/2011 22:18:00]哈哈, 你唔駛安慰我啦, ok啦, 其實, 都真系好過無 等緊你出post架
有流冰呀, 無問題呀, 重有天鵝tim, 好得架啦! 天氣重甘好, 簡直正呀!
回覆刪除[小肥回覆02/24/2011 22:16:00]嘿, 呢日都算系咁 . . . 要mug有mug . . . 跟住睇你就知
肯比多400yen 嘅人唔多係因為...根本唔會坐..個個都出晒去...老公直情冇坐過，不過你得咁少流冰...加400yen 都啱嘅...坐低睇海水
回覆刪除流冰雖然少..不過都幾厚...下次再去啦
[小肥回覆02/24/2011 22:14:00]哈哈, 真系冇mug坐過 . . . d 海水都好好睇架. 下次再去 . . . 有你地撐, 一定去得成 . . .
坐低睇海水
回覆刪除[小肥回覆02/24/2011 22:46:00]哈哈, 又嚟笑我 . . . 點呀, 仲有coffee, 白之戀人朱古力同tea, 都真系唔錯丫! 有時間寫快D呀, 我等咗好耐啦
想問你一樣野，其實你真係導遊黎o家?
回覆刪除[小肥回覆02/25/2011 13:20:00]哈哈, 我喺 菠蘿雞 嘅團長, 領隊, 導遊兼隨團攝影師 . . . 得唔得呀 想知我搞mug, 睇番舊 POST 啦
話說 " 菠蘿雞 "
woo.....原來係咁，好幸福呀，成日都可以出TRIP.........
回覆刪除[小肥回覆03/07/2011 15:18:00]嘿, " 菠蘿雞 " 都要比自己嗰份架 . . . 不過, 最緊要開心