本編文字特別多, 唔怕煩嘅可以繼續, 如果唔想睇咁多字 … 遲d再嚟呀, 當我無post過得嘅啦 …
剛說到玩夠雪兜, 食飽監獄套飯, 我地就起程去酒店 …
哈哈, 其實已經系下午1點10 
要再加分比東横イン網走駅前, 佢地完全唔介意我地掉底咁多行李, 又好樂意比我地隨時番嚟攞走…
不過, 年初五嘅連串搞鬼事件才正式開始 …
搞鬼事件 1 – 見到東横イン網走駅前嘅服務員咁幫手, 我居然唔識得請佢地順手幫我打個電話去今晚住宿嘅北天の丘あばしり湖鶴雅リゾート . . . 等佢地搵車嚟網走接我地 …
甚至去涛沸湖 睇天鵝 …
搞鬼事件 2 – 點知到咗呼人駅, 一個人影都無嘅駅, 一個連派出所都無人嘅駅 … 梗系連的士都無啦 …
邊個話過咗嚟先搵車架 … 
哈哈, 十幾隻眼又一齊望住我 …
有彩剛有個煤氣公司嘅人員經過派出所 …
我上前用盡咗我可以講嘅 . . 身體語言可以表達嘅 … 搞頭滿頭大汗 …
佢終於明白佢只需要幫我打電話上酒店, 搵個會講英文嘅, 等我講比酒店聽我地系住客, 再幫我地話比酒店知而家我地嘅位置, 再搵車嚟接我地 …
嘿 … 真系淨系打番出嚟都覺得好繁複 … 人地仲趕住去做其他嘢, 又唔好意思拒絕我地, 可能系見我地有大有細, 又有行李 …
搞咗兩分鐘, 其實都應該無兩分鐘 … 不過, 我真系覺得好耐, 然後呢個大恩人笑笑口收線, 仲表示酒店嘅車嚟緊, 我地只要多等一下, 沒事的 (大丈夫) … 就好瀟洒咁揸車離開
呀, 我又再一次喺呢種我最唔願意見到嘅情況下得到幫忙 …
呢個失職嘅領隊, 又迷失日本了… 哈哈
無啦啦搞鬼事件接連出現, 真系唔知點講好 …
印住大大個酒店logo嘅小巴真系幾分鐘後便到來接我們, 直到呢一刻我先至可以舒一口氣 
一入門, 就見到前台呢個counter, 不過唔系check in 用架, 呢道只系比你方便check out …
旁邊有直通活動室嘅樓梯 …
仲兩邊都有手信買 …
接待員一直帶我地前行 …行 … 行
經過大浴場天然温泉「北天 坐忘の湯ざぼうのゆ」入口
入面除咗有温泉, 仲有電子遊戲室同岩盤浴［坤こん］ …
影番轉頭
走廊牆面是追溯鄂霍次克時期的路, 再行幾步就到咗主lounge 「回」
四圍都系鄂霍次克文化的雕塑和中間的暖爐 …
而我地都同大家一樣, 喺呢個主lounge坐住柔軟嘅sofa 辦理check in …
我掛住填表, 杯飲品就比團友ko埋 …連相都唔比人影
跟手就上房 …
又系四人房 … 不過系最平嗰隻 “和式” 
房外景色唔錯 …
嘿, 竟然無影間房添 …補張官網嘅
跟住就嚟系又影, 唔系又影 …
雪茄間[罐天]
休息室酒吧[繩文]
椅子的美術展覽室[偶然]
彫刻家 瀧口政満先生的作品 … .
「馬和風」
影到夠晒, 就番上房換衫去大浴場「北天 坐忘の湯ざぼうのゆ」 …
入面環境好好 … 地方大, 設備齊 …
景就好靚, 仲落住雪 … 嗄, 正
不過, 只有一個室內池,
一個露天風呂, 系唔系單調咗d呢??
浸咗陣就轉場去 焗岩盤浴 …
焗呢d岩盤要先換好衫, 然後訓 . 訓 . 訓 …
又幾好玩, 出一身汗, 再番去浸多次溫泉 …
一來一回hea住浸, hea住焗, 咁就個幾鐘 …
休息一吓就可以落去食晚餐 …
鄂霍次克自助式餐廳COTA
早晚兩餐都系呢道搞掂, 食物就當然系掂啦 
呢個做型同 [火焰的塔]一模一樣
天花 …
牆身
成團人都唔客氣, 想食mug就自己攞 … 除咗新鮮魚生, 好味和牛 . . .
呢道仲可以自己加配料整 pizza, 細細個, 啱晒小團友 …
想飲嘢可以比500Yen, 60分鐘放提 …
飲飽食醉就系自由時間 …
… . .
話說有個小團友自09年跟過我滑雪後一直好喜歡和我玩, 自由時間, 佢父母自然老實不客氣比小團友跟住我, 咁佢地就可以2人世界 . . .
除咗四圍參觀, 影吓相 …
我和小團友來到呢個以北方民族的帳篷為意象建成的紀念塔和享受足湯嘅 [火焰的塔] …
發現系通往 [火焰的塔]的走廊, 酒店已經好細心咁提供咗更換用嘅木屐, 毛巾, 仲有雨傘 …
D架生咁齊, 點可以唔出去走一轉 …
我便和小團友手拖手冒住寒冷出去浸足湯 …
搞鬼事件 3 就系呢度發生 …
正當我一邊四圍影, 一邊在雪路上行嘅時候 …
小團友和我就在 [火焰的塔]入口旁冼腳失去重心 …
我自然緊抱起小團友, 讓自己跌在雪路上 …
心諗, 自己即使跌在雪上, 也不是甚麼問題.
亦以快速的身法從雪上企起身…
亦以快速的身法從雪上企起身…
唉 口也 …
個頭重重的撞到 [火焰的塔]入口 …
當時只是覺得有點 “痛” , 也沒有細看, 便和小團友整理一下浴衣準備享受足湯 …
也拍吓照 …
跟住feel到有D嘢系額頭流落嚟 …
伸手一摸 … 嗄, 中招添
唯有問小團友 : 你估媽咪佢地番房未呢? 我地玩咗咁耐, 仲唔番去實比人鬧 …
點知小團友話 : 唔驚啦, 佢地都無咁早訓, 浸多陣啦, 好暖呀 …
嘿, 我唯有同小團友講 : 不過 … 我流血噃 …
仲比手上d血小團友望吓 …
佢look大雙眼, 伸伸條脷 : 呢次實比媽咪鬧都得啦 …
我只好一邊安慰佢, 一邊收拾回房 … 
嘿, 雖然系在北海道留下了第一滴血, 我都無mug 唔開心, 只系, 竟然要小團友為我憂心, 有點唔好意思 …
照吓鏡, 其實傷口並唔大 … 貼上藥布, 輕按一會便止血了 … 
便又找小團友去買手信 …
購物是最佳分散注意力的工具 … 即使是小朋友 
明天又是一個晴朗的開始 …
待續
靚到 O 晒嘴
回覆刪除[小肥回覆02/28/2011 21:37:00]哈哈, 覺得靚就可以諗吓
原來就係度撞穿頭... 陰公啦! 咁你以家好番晒未呢? 呢間鶴雅好多擺設, 好有格調! 係咪同"軍操"一樣, 咁住晒咁多間鶴雅呢?
回覆刪除" 我掛住填表, 杯飲品就比團友ko埋 . . .連相都唔比人影 "你D團都對你幾好喎. !
[小肥回覆02/28/2011 21:49:00]哈哈, 呢d團友真系搵唔番 . . . 將留我喺北海道就更好. 穿頭 . . . 好番啦 咁濕碎 呢間鶴雅 . . . .系第一間, ana package有得揀嘅就可以諗吓, 度吓 同"軍操"大人差太多班啦 . . . 三余庵我都仲可以系外面望吓 . . . 未入得住
你點做領隊呀 唔check清楚呼人站係點，當年我係由網走站坐巴士去呼人酒店，你住北天之丘都應該喺附近，重可以去網走湖個雪祭添，你d小團友有得玩滑梯..重唔使錢...(以上留言全部係扮晒好熟網走 唔好嬲呀 如果唔啱你話番我，其實我都唔肯定 )
回覆刪除噖晚臨瞓前係床用老公iphone睇到係流血事件，真係笑咗出嚟，真係唔好意思..因為你寫得好搞笑...其實都『鄧』痛， feel到有D嘢系額頭流落嚟 都好傷吓，好番未呀
上面隻豬仔好得意 ..下次去幫我買....如果唔係太大隻
[小肥回覆02/28/2011 22:03:00] 你啱. 做得領隊真系唔可以咁失敗 呼人駅上北天之丘只系很短路程, 不過, 行雪路上斜坡又絕對是另一回事 網走湖個雪祭原本系我地行程之內, 就系因為怕玩得忘形, 改晒行程, 所以就無預約酒店車 . . .唉, 我衰 你地個個都睇到笑晒 . . . 我都唔知系好嬲定好笑 不過, 呢滴血 . . . 都流得開心嘅, 又多d人明白 . . . 小肥都有錯 (自己同聖人比 ) 上面隻豬仔 . . . 無買呀, 小團友只系揀咗隻"貓頭鷹"表, 佢話打得開好得意wo . . . 穿頭 . . . 好番啦 咁濕碎
佢哋冬季有定時的網走駅接送架嘛~ 你無預約咩?
回覆刪除[小肥回覆02/28/2011 22:08:00]哈哈, 大人, 我就梗系知道有定時的網走駅接送 . . . 仲heck 過要前一日5點前預約添 但, 就系因為怕玩得忘形, 會左改右改d行程, 所以咪無預約囉 . . .唉, 我衰 其實, 我應該厚面皮d, 喺 東横イン網走駅前 搵人幫手打電話就真. . .
你呢個受傷同流第一滴血過程又感人又搞笑, 感人位: 緊抱起小朋友讓自己跌在雪上; 搞笑位: 但我流血噃...我係個小朋友嘅父母都非常放心俾個細路你, 佢一定安全, 就算有咩事你都唔會嚇親小朋友! 好野!
回覆刪除[小肥回覆02/28/2011 22:15:00]哈哈, 多謝捧場 系呀, 其實我當時真系好驚會嚇襯小團友, 所以先至會有咁搞笑嘅情節 . . . 佢父母聽小團友講番經過時仲忍唔住, 系咁指住我笑唔停 搞鬼 . . .
小肥 : 好一個 "捨身取義的小肥" , 繼 "有錢的小肥" 之後 , 又一個新稱號 .
回覆刪除係呢 ~ 呢間酒店好有情調同特式 , 請問乜野價位呢 ?
Bye Bye !
[小肥回覆02/28/2011 22:24:00]嘿, 又多一個花名. . . 呢間酒店系ana package 嘅D組, 單人最平HK$6030, 最貴HK$6830, ok架 4人房就超值, 最平HK$5280, 最貴HK$6480 , 我地呢轉住 十勝第一 同北天之丘HK$5280 有得傾
"捨身取義的小肥" 改得好呀! 雖然字多, 但係你寫得咁搞笑, 我一定睇......
回覆刪除[小肥回覆02/28/2011 22:27:00]哈哈, 系你地先至咁搞鬼, 成日幫我起花名 多謝你地欣賞, 我幾驚無人肯睇 . . .
你呢篇遊記好攪笑啊
回覆刪除响日本流既第一滴血, 真係好有紀念價值, 有無影低個傷口呀??
[小肥回覆02/28/2011 22:29:00]哈哈, 多謝賞面 傷口 . . . 唔系要嚟灑鹽嘅咩
自由行真係要安排得好細心, 因為我都有朋友試過係北海道迷失公路中唔識返酒店
回覆刪除[小肥回覆02/28/2011 22:31:00]哈哈, 咁你個朋友而家仲有無心理陰影 駛唔駛我帶團呀
" 我掛住填表, 杯飲品就比團友ko埋 . . .連相都唔比人影 "你D團都對你幾好喎...睇到呢句我又係咁諗, 仲要為團友照顧細路+送上第一滴血, 好偉大呀!難怪一年成幾個團.
回覆刪除[小肥回覆02/28/2011 22:36:00]哈哈, 呢d團友真系搵唔番 . . . 將留我喺北海道就更好. 一年成幾個團 . . . 千祈唔好張揚 , 唔系我老闆實唔再批我放假架啦
好一個英雄救小孩的故事，好感動呀!
回覆刪除[小肥回覆02/28/2011 22:38:00]哈哈, 你地咪鬼咁大頂帽送過嚟啦 一D都唔可以用 "英雄", 最多話我盡責 . . . 出開靠朋友呀
去到一個鬼影都無嘅地方，我都試過喎，真係叫天不應，叫地不聞，如果唔係有個煤氣公司職員，你會點算呢？
回覆刪除你嘅付出係會有回報嘅！呢次英勇救人事件，令小團友更加當你係偶像啦！呢個行為，值5粒星！
[小肥回覆02/28/2011 22:42:00]哈哈, 如果唔係有個煤氣公司職員 . . . 我會一家一家咁去叩門, 叩到有人肯借電話比私囉 感恩 你地咪鬼咁大頂帽送過嚟啦 接唔住啦. . .
你真係好忙喎!
回覆刪除[小肥回覆02/28/2011 22:43:00]哈哈, 唔好笑我啦 盡之毫系日忙工作, 夜忙覆blog啦 . . .
你叫小肥, 應該啲肉有番咁上下, 所以跌落地應該唔係好痛
回覆刪除不過個頭無肉, 所以撞到個頭應該幾痛下哦.
總括嚟講, 你都係一個有愛心的領隊!!
[小肥回覆03/01/2011 13:17:00]嘿, 跌落地跟本一D感覺都無 . . . 因為, 一企起身個頭就痛到MUG都唔記得. . . 哈哈, 小肥都算有D份量啦, 不過, 喺晒中圍, 個頭. . . 唉 多謝晒. 多謝咁多朋友比面 . . . 笑埋呢次好啦. "破冰頭" 我唔想再去網走時有陰影呀 . . . 我淨系想破冰呀 . . . .
返嚟啦..重以為你去咗帶團.. ，你呢滴血流得抵啦 ...由 "有錢的小肥 " 變 " 捨身取義的小肥 " ..重有 英雄救小孩.. 又有咁多留言關心你
回覆刪除咁你係HK$5280 住呀...好抵呀
[小肥回覆03/01/2011 13:12:00]嘿, 職業病呀 . . .一有數計, 就真系會算到盡 . . . 今次連稅都系6000零, 如果, 唔駛比旺季附加就更正 不過, 可惜只系出發前嘅理性 . . . 一到埗, 之前plan嗰D, 全部抹晒 . . .開心最緊要 . . . 呢滴血流得抵 . . . 好抵啦, 睇到你地個個都笑晒.