先祝大家今日, 每日, 情人節快樂 !!!
**********************************************
咁快就講年初二 ??
哈哈, 唔好意思, 琴晚11點幾先check in, 仲系住 札幌グランドホテル ,可能系全札幌最多香港人住過嘅酒店(特別系跟團), 唔駛我多介紹啦 
不過, 又真系唔系話一上房就訓 … 搞掂d團友嘅房, 仲要去Lawson走一轉, KO多個草莓蛋糕先至訓得滿足 
早餐喺酒店嘅Node 43。勝在選擇ok多, 又咁好彩唔見d香港團, 食得夠晒自在 … 其實系因為 … 我地訓晏咗啦 … 新正頭, 唔好急, 仲有成年咁長 …
其實系因為 … 我地訓晏咗啦 … 新正頭, 唔好急, 仲有成年咁長 …
Hea 夠就出發去JR駅買Pass …
遇到好多, 好多 ~ ~ ~ 香港人
, 都系自由行, 仲個個都買札幌–小樽Welcome Pass . . . 
, 都系自由行, 仲個個都買札幌–小樽Welcome Pass . . .
團友又問我地唔買系唔系蠢咗 … 
嘿嘿, 你話呢 ??? 
反正計數系我嘅工作 ~ 札幌–小樽Welcome Pass 1500Yen, 包你一天內自由乘坐札幌～小樽間的JR(自由席)，和一張札幌市內地下鐵全線的特別企劃乘車券。喺我地今次嘅行程, 基本上唔會坐地下鐵(如果想再去白い戀人パーク 咁就唔同) 而我地用5日Pass會cover所有嘅JR費用(仲唔駛加$$入坐指定席), 最後一日出千歲機場亦只系1340Yen(包指定席) 所以, 唔好浪費嗰160Yen …
用嚟買罐熱粟米湯就啱晒 
嘻, 唔駛40分鐘到咗小樽 …
咦, 唔系話會系南小樽落車咩 ???
嘿, hea 得太晏, 要先落小樽爭取陽光影相 …
未出站d團友已經系咁影, 系咁影 …
一出站就系又影, 唔系又影 …
睇到呢個裝飾, 大家可能都理解到, 系中日唔友好嘅時候, 韓國旅客成為咗北海道旅遊業另一條支柱 … 真系有好多韓文指示 …
會唔會系因為曾經有太多失格嘅中, 港, 台旅客 …令到日本人正視開發旅客來源嘅問題呢 ???
如果, 大家有機會再book旅館, 特別系民宿 … 唔該
, 真系一定要喺知道自己唔會到嘅時候, 儘快
通知人地取消訂房 …
, 真系一定要喺知道自己唔會到嘅時候, 儘快通知人地取消訂房 …
唔系, 我將來訂唔到房會好慘嫁 …
晒吓相先 …
喺呢幾年嚟北海道, 睇到嘅雪, 一年比一年少 …
到底, 系因為多咗遊人, 行到D雪都融?
定真系”扼你嚟落搭”現像, 搞到天氣反晒常 … 北京唔落, 北海道唔落, 跌晒D雪落西日本 …
又或者系 … 其實小肥太好運, 連D雪都避開我 …
剩系比我見到太陽 …
呢D天氣 … 
一團人, 左影影, 右影影 … 逛到無晒時間觀念 …
其實, 有邊個朋友在看到四維都系可愛嘅雪人仔, 同咁白雪雪嘅雪像時, 忍得著唔影到癲呀 …
不過, 系辛苦我呢個隨團攝影師又要改名叫做 “左藤右藤” … 
好彩, 唔會有團友夠膽阻止我繼續食 …
日頭嘅手宮線跡地 …
日頭剛點燈嘅運河會場 …
是很浪漫嗎?
剛點燈浮在運河的魚漂兒玉石蠟燭 …
第13回小樽雪あかりの路 開幕儀式 …
小肥第一次親身見證 第13回小樽雪あかりの路 嘅開始 …
唔識得用咩嘢形容, 只是感動 …
雖然, 團友仲系不停咁拉我去幫手撳, 撳,撳 …
夜晚嘅手宮線跡地 …
希望, 所有嘅朋友都有機會感受到呢一刻 …
不單單是浪漫 …
還有那一份全城參與, 投入, 付出嘅心意
待續
情人節快樂！
回覆刪除係啦！我都成日在blog上講，一定要做個有信用既香港人呀！
[小肥回覆02/14/2011 09:11:00]哈哈, 早晨呀! 情人節快樂！
你真系好早呀 要做個有信用既香港人, 對, 一定要
上年這一日情人節...正和老公在小樽...在漂雪運河中漫步...好懷念...而家係小樽就好啦
回覆刪除d雪人仔有隻好似靚靚
你成日好似冇乜點食嘢..你搞到咁夜嘅...唔使瞓...
重以為你係職業帶團 ...原來係做 account ？
[小肥回覆02/14/2011 13:40:00]哈哈, 如果今日系小樽 . . . 天色會好靚, 因為早幾日落過大雪, 有blog 友連燈祭都睇唔到. . . http://weathernews.jp/index.html#//c=11/dh=r:11_3643617
我就梗系會計數嘅啦!! 呢份工支持我繼續出發嫁, 好重要嫁
呢日有食嘢, 不過, 一路寫, 發覺好果中間post D 食物, 好似會影響成編blog 嘅感覺, 所以, 唔寫食物 . . . 反正, 你地睇到實話我大食 而且, 成班人都真系影到傻咗
小樽嘅燈祭真係好靚啊! 真係好想去感受一吓啊! 希望有咁嘅機會嗱!
回覆刪除[小肥回覆02/15/2011 08:34:00]哈哈, 你一定有機會去一次嘅, 放心啦 . . . 如果, 咁好彩, 呢三兩年你都唔成行, 等我, 我2015 一定會組團去一多次睇雪祭 . . . 不過, 你地一定早就飛幾轉啦
睇完你D相, 覺得今年小樽雪祭唔系好靚.我下年去北海道咩雪祭都無, 應該無咁多香港人掛
回覆刪除[小肥回覆02/16/2011 16:57:00]哈哈, 你咁講我好大責任 . . . 系我影得唔好, DC仔系反映唔到真實嫁, 你應該親自印正一下 . . . 證明小肥部相機把鬼 最好就, 當然系帶埋我去, 或者, 借部靚機比我影多一次比較吓啦
唔該哂小肥,教導香港人要有信用!!
回覆刪除上次番老家,當晚日本家姐同我講今日有一對香港人NO SHOW,明明早幾日先再通信都話無問題!! 當時我好想唔認自己係香港人......
[小肥回覆02/19/2011 23:49:00]哈哈, 唔好咁客氣 其實, 失格 問題一直都存在, 只系, 我同你一樣, 希望可以系日本朋友面前, 驕傲咁話自己系香港人. 而且, 系我嘅最終目標後面, 有我一個 微小 嘅希望 . . . 希望自己會系北海道一個偏遠嘅角落耕種, 同打理一間只有兩間房嘅 小 民宿
好靚呀,駛唔駛靚到咁的樣呢, 不過我plan緊一家大細六月先去北海道, 以我去慣自由行的人要我跟團 真係十萬個不情願呢
回覆刪除[小肥回覆02/21/2011 12:12:00]咦, 跟團??? 我地 菠蘿雞 唔跟團架 我的瘋狂出遊記錄 . . . 大假批咗啦! 睇吓呢頁先啦 六月去北海道 ?? 諗住玩 ? 睇 ? 食 ? 去過未架 ? 自駕定JR ? 要資料 ? 歡迎隨時過嚟問. . .
[小肥回覆02/21/2011 12:12:00]咦, 跟團??? 我地 菠蘿雞 唔跟團架 我的瘋狂出遊記錄 . . . 大假批咗啦! 睇吓呢頁先啦 六月去北海道 ?? 諗住玩 ? 睇 ? 食 ? 去過未架 ? 自駕定JR ? 要資料 ? 歡迎隨時過嚟問. . .
我地小樽個日好迫人呀! 同埋好多溶雪的黑色水, 有d影響心情架!
回覆刪除[小肥回覆02/24/2011 22:58:00]哈哈, 你地呢次咁旺, 梗系多人黐埋身啦 溶雪的黑色水 . . . 我去嗰日都已經有 . . . 企高D就睇唔到啦, 唔怕. . . .哈哈
點曬燈真係好靚，~
回覆刪除[小肥回覆03/02/2011 14:12:00] sorry, 漏咗添 咁遲先覆. d燈真係好靚 . . . 真系好靚 所以, 唔去唔得. . . 等我番嚟呀 . . .
咁啱嘅大肥,我都想係北海道做農夫!!
回覆刪除[小肥回覆03/02/2011 14:11:00]喂, 我系想系北海道一個偏遠嘅角落耕種, 同打理一間只有兩間房嘅 小 民宿 . . . 你系唔系真架, 我要儲吓$$$, 唔夠$$$ 就打工先 不過, 嗰邊依家經濟唔多好 . . . 睇嚟想我地過去消費多過爭地盤
堅架,大肥. 我第一次去日本就係去北海道[富良野],被一望無際嘅農田吸引咗......自此對日本不離不棄....... 仲有我好想去北海道大學讀書架!!
回覆刪除[小肥回覆03/02/2011 15:36:00]咦, 得wo. 你先搞掂讀大學嗰筆. 我就儲多D彈藥 . . . 等你學好D日文, 咁你就做我嘅幫手 . . . 我負責耕種, 同打理 小 民宿 . . . 你就負責入貨同搞推廣 . . . 正 . . . .不過, [富良野]太heat . . . 美瑛, 大雪山 唔得 ? 唔好太多國語人 . . . 香港人就. . . 有yahoo blog 嘅有電視框 . . .