2014雪の北海道 ~ Day 6

2014雪の北海道 ~ Day 6

原本行程 Day 6 ~ 餵天鵝 ~ 帯広 ~ Lunch@ 元祖豚丼/ 六花亭本店 ~ 札幌 ~ 定山渓温泉　ぬくもりの宿　ふる川 ~ 定山渓温泉周圍逛下探かっぽん ~ Dinner@定山渓温泉　ぬくもりの宿　ふる川 ~ 浸浸浸

(宿) 定山渓温泉　ぬくもりの宿　ふる川~ ご夕食‥美味しいものがたっぷりの北海道を味わい尽くすプランです。世界のVIPからも絶賛された、深いコクとまろやかな味わい、
北海道が誇る「白老牛」の石焼と旬の「毛蟹」をご堪能下さい。

結果 : Day 5 ~ 國道繼續封閉  ~換房 ~ 繼續浸浸浸

(宿) ウトロ温泉　知床グランドホテル　北こぶし

昨日除咗食, 浸, 訓 . . .

就系睇冬奧 . . .

早上 . . . 浸一浸

嗄 . . . 爽 !!

一晚過去, 陽台都系雪

今朝未落樓食早餐已經CHECK 過電視報導

850名觀光旅客被困在知床成為頭條 . . . 

呢班豚友真巴閉, 一跟小肥團就上頭條 ::mm2414 

喺Lobby 嘅post, 大家睇得明啦. . . 

小肥同團友約好落餐廳食早餐

順便傾吓跟住嘅可能性 . . .

原來當日有兩個旅行團住知床グランドホテル　北こぶし

一團台灣, 一團香港直橫遊

兩團嘅導遊仍然系通知團友一早收拾行李帶埋落 lobby 先食早餐

小肥順便八吓 . . . 

收到有人話東京大雪, 長安遊有一團五天團被困富士山

完成第一日行程就要返香港

咁啱, 直橫遊呢團又系五天團

又系完成咗第一日帶廣~啊寒~湯川~知床後就被困在知床第二日

明天就要趕回札幌上飛機返香港

唉, 冬天出遊, 大家真要有充足準備

或者, 好似有Blog 咁講 ~ 避開道東!!

當然, 呢個永遠唔會系小肥嘅選擇

小肥系為道東而來啊

慨然, 路繼續封, 小肥就繼續去前台

繼續搵個有型嘅四眼哥哥幫手打電話

去定山渓温泉　ぬくもりの宿　ふる川 說明因為雪害, 

小肥一團人唔能夠入住, 同時請豁免罸金 . . .

當然, 一切就好似琴日咁順利完成 . . . 

不過

凡事總會有dd意外

四眼哥哥除咗話ok外 . . .

竟然同小肥講因為有客人入住西館7F：テラス露天付き客室

所以要請小肥先check out

再安排其他房間 . . .

吓, 唔系化, 要先check out ?

仲要同其他客人一齊等酒店安排房間 ?

仲無得優先上房 ?

嘿, 香港人又點會咁順攤 . . .

小肥即時拉四眼哥哥埋一邊

小肥: 有咩可行嘅方法, 讓小肥同團友唔駛check out ?

四眼哥哥: 無法啊, d房有客book 咗入住, 一定要先check out . . .

小肥諗 ~ 咁抵C, 我走唔到, 你有客入住??

小肥 : 有無其他風呂附房間? 錢唔系問題 . . . 

四眼哥哥走咗入辦公室 . . . 出嚟又問

四眼哥哥: $$ 無問題 ??

小肥 : 系, 要幾多 ??

四眼哥哥 :  1 萬/人 . . .

哈哈哈, 小肥又揞住半邊咀

原本諗住佢要收小肥正常價 (大約2萬/人一泊2食) 

都一定會比 . . .

小肥: 系唔系所有團友都得??

四眼哥哥: 系, 1 萬/人 風呂附房間 . . .

小肥 : ok. 全部轉房!! 你安排好通知我.

就系咁 . . .

小肥打電話比豚友收拾行李

換過間乾淨房間 . . .

搞一大輪帶齊行李返落lobby

四眼哥哥親自帶小肥同豚友到本館2F：露天風呂付き客室

而小肥分配到嘅 255 正正系小肥12年12月先住過嘅同一間 . . .

緣份 ?? 

參考: http://littlefatjapan.blogspot.hk/2013/01/12-day-2.html#more

嘻嘻睇咁多間, 呢間最大 . . . 
不過, 有Blog 友話仲有大D

我返嚟啦. . .

打開趟門 入玄關 . . . 

自動門 . . .隔音用

左手系入口, 右手系厠所

比7/F 舊款咗少少 

茶水間 . . . 

直入系衣櫃同洗面間, 浴室, 風呂 . .. 

洗面間, 設計似系蜜月套房

衣櫃有足夠準備

浴室

五右衞門風呂

呢個角度可以睇到晒, 睡房, 洗面間同風呂

設備都OK啦

一樣夠晒大嘅床

打開埋窗, 風呂. . . 採光好好啊

廳外系結晒冰嘅內港
低層海景弱咗D

電視偏細, 仲要得一部. . . 

嘿, 癲噹一定好想再嚟 . . .

放濕機

五右衞門風呂 ~ 浴缸邊白色嘅系礦物質
證明系真正溫泉水
btw, 呢個風呂水質無7樓嘅咁滑 

浸住睇景都 ok
怕嘅可以落簾 

通透面2 呂落咗簾

無節目, 最好望海睇雪 

遠處有海鷗停在結咗冰海面

真系海呢架 . . .

雪仲系咁大 . . . .

hea 咗一陣, 又有人拍門

嘻, 原來酒店繼續供應免費午餐

小肥見有人上門就順口問吓

夕食時間, 有無可能加餸 . . .

小肥嗱住單張問嗰位靚女
邊樣好食 . . .

靚女話 : 毛蟹熟食啦, 4800Yen, 好好味 

仲話毛蟹刺身6500Yen 無咁抵食 . . .

好, 竟然幫酒店倒米

小肥就落order 每豚友一隻 . . .

到餐廳同豚友報喜

順便睇吓今日有咩供應 . . .

咖哩飯配烏冬. . .

鮮菌烏冬 . . . 熱騰騰

咖哩飯辛口, 我啱

飽暖就要盡返D領隊責任 . . .

其實系見到風雪細咗好多

依家先正式望吓知床グランドホテル　北こぶし 嘅正門

出門口右望望

左望望

經過便利店就見到其他旅客在玩雪

睇吓 行邊面先 . . . 右啦

一直行都無車

轉咗去酒店後面
下面空間系2/F餐廳
上面凸出嘅就系 西館7F：テラス露天付き客室

原本系碼頭嘅已經完全睇唔出

大家都爭取呢刻細雪下嘅美景

碼頭旁可以行去睇知床哥斯拉

知床哥斯拉 pat pat

遠D影. . .

哥斯拉 . . . 

民宿酋長の家

唔系講少, 真系好多人被困知床

行夠又去便利店搵零食

經過郵局, 後面就系酒店

可能封閉國道, 連信都唔駛派

返到酒店又 check 吓新聞 . . .

風雪減弱噃 . . .  正

五點鐘 . . . 

終於宣佈國道部份開通

小肥第一時間落lobby book 明早到網走嘅無料送迎バス

豚友聚集餐廳開蟹慶祝 . . .

呢餐一人一隻, 唔好嫌棄 . . . 

雖然話細細隻 4800Yen, 但相當鮮味, 甜美 . . .

小肥都急不及待又 post 上FB 比大家恨吓 . . . 

豚友開懷大嚼時, 

小肥見到直橫遊嘅導遊在搵團友

小肥又去八吓

原來直橫遊嘅導遊見國道開通, 想即刻帶團友出札幌

不過, 六點幾七點先出車? 

知床去札幌好天都要揸 6個半鐘

依家啱啱先細d雪, 

順利出到札幌都已經零晨2點啦 . . .咁搏?? 

果然, 有部份直橫遊嘅團友去到酒店門口唔肯上旅遊巴

仲不斷話出嚟旅遊唔系玩命

要司機揸7個鐘夜車, 有咩事點算 . . . 

其實, 小肥真系唔希望大家太搏命啊 . . . 

待續