2011 小學雞 癲噹 亂遊立山 Day 1 . . . 出發編
2011 小學雞 癲噹 亂遊立山 Day 1 . . . 出發編
前言 . . .
話說有一日 (2011年9月23日), U magazine 推咗 "癲噹" 一個出街 . . .
一個孤兒仔, 得一個背包, 一頂帽, 一副眼鏡, 一部單反 . . . 自己流浪街頭, 正煩惱緊日後嘅生活 . . .
咁啱嗰日小肥又喺街度 . . .踱, 踱, 踱 . . .
兩個肥厚嘅身軀, 就喺咁系香港遇上 . . .
更啱嘅系 . . . 怕孤獨嘅小肥約咗兩個團友上立山, 人地一雙一對, 小肥呢個電燈泡真系大到呢 . . .
癲噹見小肥咁為難就建議, 不如做小肥嘅partner, 一齊行立山, 唔駛小肥咁鬼懢啦.
小肥即刻囉部計數機出嚟 . . . 撳, 撳, 撳 . . . .
最後, "殺你" . . . .從此, 小肥, 癲噹就一起愉快咁生活 . . .呢
哈哈, 真系講都無人信.
10月嘅一個清晨, 兩隻肥嘢, 揹起背包 . . .
出發 . . .
癲 : 呵, 香港機場好大吓噃 . . .
肥 : 吓, 唔 . . . 系化 !!! 你未見過呀 ?? 大鄉里, 行快步啦, 又唔知自己又肥又論盡 . . .
就系咁 . . . 癲一言, 肥一語 . . . 開始愉快旅程.
癲噹機場留影 . . .
無風無浪, 準時出發 . . .
癲噹飛機內留影 . . . (佢話第一次坐, 一定要影多幾張喎 . . .)
癲 : 咦, 有嘢食 ???
肥 : 系呀, 大鄉里, 食埋我嗰份啦. . .
癲 : 呀, 成罐嚟呀靚女 . . . 唔該.
肥 : 實肥死你 . . .
ana 真系好, 又比原定早30分鐘到埗, 順利過關 . . .
其實都幾多人回歸日本, 今日就一樣好多老外, 一團廣州, 一團egl, 加幾組自由人 . . .
日本頑張って . . .
癲 : 呀, 做mug又買飛呀 . . .
肥 : 唔系叫咗你睇行程咩, 要去羽田轉機呀 . . .
癲 : 呀, 又坐飛機呀? 好嘢, 又有得食 . . .
肥 : 食食食, 內陸機得飲品咋, 茶你啱唔啱吖 . . .
癲 : 呀, 無得食 . . .
肥 : 食食食, 好啦, 帶你試吓d真正日本嘢啦 . . .
羽田 Teminal 2 嘅 元祖壽司, 新鮮 . . .
試幾件當tea啦 . . .
癲 : 呀, 生嘢我唔多得噃, 食第樣啦 . . .
肥 : 好嘢梗系有. 呢隻 840yen 原粒栗子蛋糕 . . .
肥 : 再加不二家白桃汁 . . . 好飲啩 !!!
癲 : 嗄 . . . 正
7點九就到富山機場 . . .
又幾爽 . . .
系細DD 啫 . . .一眼睇晒!!
行出門口, 就有巴士等緊 . . .
司機哥哥仲好有耐性咁等埋嗰PAIR明明識講日文, 又喺到睇英文觀光冊子嘅香港人 . . .
癲 : 呀, 點解你話"司機哥哥"?? 明明系叔叔呀 ? 你點知嗰PAIR系香港人?? . . .
肥 : 無大無細! 我大你咁多, 梗系叫哥哥啦, 你就要叫叔叔 . . . 嗰PAIR 嘢系觀光案內系咁問, 你行過都聽到日文啦 . . . 仲要著晒情侶裝拖埋情侶匣 . . . 大大聲講廣東話 . . .
哈哈, 小肥對住隻癲噹真系一D都唔客氣 . . . 癲晒
30分鐘左右, 抵達 富山駅前 (地鉄ビル前) . . .
(照片來自官網)
即系Comfort Hotel . . . 舒服咁解. . .
仲要只系4000yen一晚送無料朝食 . . . 賺
(照片來自官網)
掉抵d行李就出去搵食. . .
嚟到富山, 就先試吓地產直銷嘅 せん富山駅前店
星期日都要等位 . . .
前菜
蟹雜炊
整個お刺身盛合せ . . .
整多個本格握り寿司 . . . 睇真d . . .
瀬浜直送 白海老かき揚
豪快 海鮮せいろ蒸し
哈哈 . . . 其實唔只咁樣架, 仲有 . . .
黒部名水ポークの豆乳しゃぶしゃぶ, 活ずわい蟹, のど黒一本姿焼き
不過 . . .
真系人一多就消得快 . . .
嚟唔切影就比團友ko咗 . . .
至於食物質素 . . . 一個字
"鮮"
價錢就 . . . 嘿, 都合理抵食架 . . .
大家捧住個肚, 好滿足咁返酒店, 準備天日嘅攻山行動 . . .
又係果個字, "正", 可惜我唔係好食壽司
回覆刪除[小肥回覆10/10/2011 16:42:53]" 可惜我唔係好食壽司 . . . ? " 可惜我可以跟你一齊去. . . 哈哈哈
癲噹好cute呀! 其實識日文咪睇日文觀光冊, 雖然我d日文都係有限公司, 但有時英文觀光冊仲難睇, 不過有時d香港人真係好麻煩, 左住晒你d時間....BTW, 栗子蛋糕, 好貴呀, 唔捨得食....
回覆刪除[小肥回覆10/10/2011 18:25:04]哈哈, 中呀. ^O^ 我唔識日文都睇日文觀光冊架, 方便問路呢. 哈哈哈. 栗子蛋糕好鬼正架. . . 不過, 其實, 我喺日本食MUG都覺得正. . . .哈日都傻. . . 哈哈哈 ^+++^
咁從此你係咪就同癲噹"出雙入對"呀! 咿, 張comfort床應該唔夠兩隻肥野架喎?! 呵....
回覆刪除[小肥回覆10/10/2011 22:43:21]哈哈, 唔系"出雙入對", 系雙E為命呀 . . . 我比佢激到想死, 所以, 張140CM嘅床佢只系訓到半晚 . . . 我就伸仍落床 . . . 哈哈哈 ╮（￣▽￣）╭
haha好攪笑的癲噹! 小學雞實比大肥蝦啦你! 元祖壽司隻碟上面有埋價錢, 咪好難會加價囉... heehee~~ Comfort Hotel 我今次將會住呀!
回覆刪除[小肥回覆10/10/2011 23:43:59]哈哈, 癲噹呢隻小學雞 . . . 只系出遊嘅程度低d (正大鄉里) 把口呢 . . . 真系. =v= (賤賤的笑) 元祖壽司隻碟上面有埋價錢 . . .我都好奇怪 . . . 不過, 就系咁, 我地先至要去多日本幾次 . . . 了解了解 v(￣︶￣)y (得意) 嘻嘻, Comfort Hotel 好吖, 不過, 你千其咪學我 . . . 訓到半晚伸癲噹落床 . . .<(‵▽′)> 哈哈哈！(我是壞人)
終於出網誌 , 正呀 ~ 超級羨慕 ! Yeah +_+
回覆刪除[小肥回覆10/10/2011 23:37:01]哈哈, 我出blog嘅速度 . . .泊得住你啦. . . .(^o^哇)~~(^0^)哈~~(^○^)哈~~
個BLOG 好靚 ,相信你花了很多時間去整理^^
回覆刪除你睇唔睇漫畫架? 我放左自己畫既漫畫係blog~ 得閒過黎坐下吖~!
http://www.facebook.com/pages/%E6%BA%AB%E6%97%A5%E7%B9%AA/255953564443351?skip_nax_wizard=true
[小肥回覆10/10/2011 23:35:54]Thanks ~^^
請問NRT去HANEDA搭巴士要how long?
回覆刪除[小肥回覆10/11/2011 09:25:32]唔, 你要轉機?? 如果, 我無記錯, 喺成田等機上北海道 大約4個鐘多D; 而ANA 成田轉羽田機嘅時限系不少於3小時 . . . 如果, 你無必要, 唔一定系玩轉羽田著數啊. . .. btw. 坐Airport Limousine Bus 約65～85分鐘, 每程大人¥3000, 我就覺得ok快. 不過, 當然要留心天氣嘅影響啦.. .~^^ (http://www.limousinebus.co.jp/area/narita/haneda.html)
你同癲噹, 相e為命.......我覺得似技安蝦大雄多啲喎, 哈哈!! "ana真係好, 比原定早30分鐘到埗"... 擺明潤緊我啦!!
回覆刪除[小肥回覆10/11/2011 13:19:27]哈哈. . . 有邊個無失手呀 ~~ >.* 我當然都有. . . touch wood, 暫時仲託賴 . . .一切安好. 個肥肚仲keep得住. . . .哈哈 . . .好彩還有你喇. ^o^
[路過蜻蜓回覆10/11/2011 12:45:15]一個唔覺意將阿蘇火山啲強勁毒氣帶埋返嚟, notebook已經無藥可救, 要買過$$$$$$$!! 手提電話未供完已經花左, 仲整緊$$$$$$$... 如果你講嗰個唔係你, 我會深表同情, 如果係你, 我會笑死囉(魔鬼笑), 雖然冷血左啲, 但係最低限度...仲有我笑你呀, 哈哈哈!!
[小肥回覆10/11/2011 10:38:49]唔 . . . 技安都唔錯, 成日開演唱會. . . ~^^ 系唔系潤你呢 ?? . . . 等我諗吓先. . . 哈哈, 黑仔王仲未輪到你; 跌手機, 壊電腦 . . 好普遍呢. . . ^O^, 你無見過BLOG 友, 跌銀包, 搞到天寒地凍訓街, 又有趕唔到飛機, 系機場等人救咩 . . .哈哈. . . 其實, 你都已經 幾好啊, 最低限度 . . . 仲有我潤你呀. 哈哈哈
我一路睇一路笑.....正呀!!
回覆刪除[小肥回覆10/11/2011 13:20:09]嘿, 能夠比大家開心開心真系又. . . 賺啦 ^+++++++^
而加興自言自語+公仔影相? 你都加入喎, 果然潮流一族....哈哈, 小學雞呢個名, 傅小孩之前先問我系咩來, 咁中學叫咩? 我都唔識答. 個對識日文又要睇英文資料既香港人, 就是你做大燈泡個對? 3個人都幾食得. 單人住溫泉房米好貴?
回覆刪除[小肥回覆10/11/2011 13:27:48]?? 咦, mug 依家仲興咩 . . . 我以為無mug人再做我先攞出嚟同大家一齊開心吓 . . .哈哈~~*.< 在《架勢堂》節目中，森美曾經把「小學雞」的概念擴展，創出「小學雞，中學牛，大學馬騮頭」的引伸口訣。。。 個對識日文又要睇英文資料既香港人 . . . 我無講過呀, 唔關我事架. . .唔好殺我消滅口呀 . . . 食得呢樣嘢 . . .我都系晚餐先比dd力啫, 午餐唔覺架, 帶我去食呀 . . .單人住溫泉房 . . .咪玩啦, 系3人房呀, 真系發咗達都用嚟食好過啦. . .^o^
哈哈，癲噹-正,睇你玩到幾多篇先!:-P
回覆刪除[小肥回覆10/11/2011 17:09:26]哈哈. . .好似玩到上飛機返香港 . . . . 未整好呀 . . .^.*
我想轉連結字既顏色點搞呀?
回覆刪除[小肥回覆10/12/2011 19:06:55]?? 想轉連結字既顏色點搞呀? 我如果用Words 先打字, 再插入"超連結" 咁就會用預設嘅藍色. . . 如果要轉色, 咁咪順手撳一下字體顏色選擇囉, 再複製上post 完成 . . . 系唔系玩嘢呀 . . . 咁直接嘅都問. . . ◎−◎？
唔係你打既內容...而係blog本身既連結位呀..
回覆刪除[不老不死回覆10/12/2011 20:23:21]thank you!!!
[小肥回覆10/12/2011 19:35:04]sorry, 呢個我自己無改過, 不過, 我知道喺設定用唔同版面時(主題 / 外觀 ), yahoo set 咗唔同嘅link顏色, 我呢隻系"個人風情" -紅色, 你可以喺 "預覽外觀式樣" 度慢慢試 . . 有粉藍, 橙, 淡啡 . . .哈哈, 有排你玩
寫得好精彩呀 ! 日後我去立山食風定係食壽司就靠你幾篇詳細報導喇 ! 不過想問你點解唔買香港直達羽田機場的機票呢 ? 唔通而家取消晒咩
回覆刪除[小肥回覆10/15/2011 08:20:41]哈哈, 你咪鬼秧我啦. . .*.< 講食, 你嘅料多我好多. 我都系行一次度一次. 見到OK就試吓, 都有幾間準備咗, 去到再決定食邊間 . . . 算好彩啦. . . .哈哈. 香港直去羽田當然有, 不過無咗零晨機後D時間唔3唔4, 又要度下一程內陸機, 所以咪要成田轉羽田囉 . . . 唉, 真系懷念零晨機啊. . ..^O^
呢一篇其實係德國睇咗，不過懶⋯冇留言，而家同癲噹打過招呼！哈哈！
回覆刪除[小肥回覆10/28/2011 09:00:26]哈哈. 癲 : 歡迎. 歡迎. 多謝捧場. 我會要求小肥多D 比我出場. . . .
肥 : 睇吓點 ! 你真系想多D 就多D 囉. 唔好怪我POST 晒你D 醜態就得. . .
嘩!!!!! 竟然坐ANA由羽田飛去富山? 個PACKAGE貴唔貴啊? 超羨慕啊!! 我都很喜歡COMFORT HOTEL的設施，無料早餐有誠意，房間裝修有型格卻不冷冰冰，所以很多時都會先看看他有沒有進駐。我遲都會坐ANA新航線去名古屋啊~ 帶老公走一轉中部・北陸!!! ^_^
回覆刪除