夏の北海道湖鴩花遊 . . . Day 3 釧路夜食

夏の北海道湖鴩花遊 . . . Day 3 釧路夜食

唔好成日話小肥大食 . . . 

睇番D BLOG . . .

今日小肥同癲噹都好似無正經停落嚟食過好嘢 . . . 

咁 . . . 今餐就唔好客氣 . . . 

爐端燒 炉ばた . . .

據聞50多年前炉ばた的主人島元女士得知在仙台有人炭燒野菜，便也試在釧路沿用這個方法來處理海鮮，結果大受歡迎，更成功把「爐端燒」引入釧路。店家保留了當初開店時的陳設和用具，大多是年過半百的「古董」，充滿歷史感。燒烤的木炭更堅持使用釧路本土生產的上品，再加上多年培養的經驗，能根據肉類含有的不同油脂和厚度而巧妙調節火力，出來的成品無論外觀、香味和味道都是一絕。

記得, 小肥喺好耐之前就睇過有關爐端燒 炉ばた嘅介紹 . . .  系唔系phyphy同胖胖嘅就是愛呷片(北海道篇)呢? 已經唔記得 . . .

不過, 胖胖嘅離開, 的確曾經令好多blog友傷心過 . . .

小肥文筆唔好, 大家如果對爐端燒 炉ばた 有興趣, 可以睇吓phyphy同胖胖寫嘅釧路爐端燒炉ばた

去到爐端燒 炉ばた 已經7點半, 好彩唔駛等位 . . .

掀開布簾輕手拉開有d舊嘅搪門 . . .

你會眼前一黑 . . .

因為整家店只系靠幾盞細枱燈同電視機嘅光線照明 . . .

一陣陣炭燒嘅香味充斥住整個空間 . . . 

大家圍著炭爐, 軾鬆, 愉快咁傾談 . .

好閒. . . (hea . . 哈哈哈)

載上紅色頭巾嘅婆婆, 默默地翻動炭爐上嘅魚乾同一般嘅屋台一樣,  婆婆一個人幾乎負責晒全部嘅燒烤工作 . . .

畢竟,  婆婆年紀都大 . . .

唔知道下一次再來北海道 . . .仲有無機會食到婆婆嘅手勢 . . .

 (雖然, 我真系會好快就再去北海道, 但系, 釧路. . . )

店員裡面有一個會講少少英文,  好似系婆婆嘅女兒 . . .

會拿外國人用的menu比你, 上面有中日對照 店員好nice, 盡力咁介紹當造嘅食物同選擇 . . 

仲好耐心仲等心多多嘅小肥落order. . .行咗成日, 小肥都唔客氣, 先bear 一bear . . .

咦, 用閃光燈 ? 

因為試咗幾張都影唔到個前棻, 小肥只有偷雞影一張. . . 

好好食架. . . 

店員負責將人客點咗嘅食材遞比婆婆 . . .

婆婆就迅速咁將d食材擺上烤爐

用凌厲嘅眼神盯住烤爐上嘅食材 . . .

睇吓 . . .

翻動吓 . . .

加d汁醬 . . .又幫d食材移移位 . . . 

婆婆整晚就坐喺度不停咁烤東西 . . .

當然, 想食好嘢一定要比多d 耐心 . . .

所以, 小肥都點咗d 唔駛燒嘅 . . .

店員推介嘅當造夏期海老(白灼海蝦)  . . .

鮮. . .  甜. . .  再嚟就系 ホラガイ(海螺刺身) . . .

你睇吓 d 螺肉厚身到呢. . . 

有幾彈口 ?? 有幾鮮甜 ???

哈哈哈  

跟住入正題啦. . .

燒アスパラ(蘆筍) . . .

如果大家唔知道蘆筍系5至6月嘅精品 . . .

而想冬天嚟食 . . .

咁我真系幫你唔到. . . 到食得咁上下. . .

主角出場 .  .  . 

ほっけ(花鯽魚) . . .

嘩 . . . 嘩 . . . 嘩 . . .

真系未起筷都已經流晒口水 

咁自然嘅結果就系 . . .

哈哈哈. . 又一次大滿足 . . . 

小肥知道自己好少會喺Blog 咁詳細咁寫一個食店 . . .

或者, 小肥唔多唔少有對婆婆嘅感情投射 . . .

覺得 . . . 或許 . . .

有一d 好嘢, 小肥可能真系無機會再嘗試

而希望大家會有機會去食得到 . . .

小肥真系覺得難得嘅美食 .  .  .

如果, 大家真系要去試吓

驗證吓小肥有無言過其實 (作大) . . . 大家要小心睇清楚 因為爐端燒 炉ばた 自己網頁上面嘅地圖其實有d誤差

而且, 去到嗰邊有好多間店都叫「炉ばた」

大家可以認清楚呢張相, 爐端燒 炉ばた 嘅街角位置 . . .

同店外有呢個路標. . . 

 

夏の北海道湖鴩花遊 . . . Day 3 釧路夜食 . . . 完