2014年4月12日星期六

14年春櫻 の快閃週末 第一章

14年春櫻 の快閃週末 第一章

Day 1 行程

01:00~06:25 CX 零晨機去成田

07:30~09:30 NE’X去品川駅轉新宿駅轉 坐巴士(京成バス)直出吉祥寺駅~井の頭恩賜公園~国営昭和記念公園~新宿駅~新宿御苑~代々木公園~目黒川沿い~~隅田川公園~Skytree~上野~上野恩賜公園~Skytree~上野~酒店きぬや本館

CX 零晨機去成田

小肥已經好耐無坐零晨機
CX 就更加系陳年舊事. . . 

星期五收咗工, 無無聊聊11:00到機場. 
見到checkin counter 唔多人
心諗, 應該好快搞掂 . . .::mm2217 

可惜, 人算不如天算 
CX 位地勤姐姐問小肥 : 介唔介意坐另一班機呢先生 ??
我地可以安排你先去首爾, 再轉去成田 . . .

小肥未等位姐姐講完就say : NO!! ::mm1580 

不過, 地勤姐姐繼續講 : 我地會比返HK$500.- 你, 再upgrade你一程 . . .

小肥又截住地勤姐姐say : 我而家系唔系唔可以 checkin ?? ::mm1613 

地勤姐姐 : 唔好意思, 系統暫時 block 咗班機, 我都划唔到位比你.
不過, 如果你唔介意, 可以先飛首爾轉機去成田, 都系遲少少. . .
四個鐘左右, 10點零可以到 . . .

小肥 : What?? 小姐, 你睇吓我張機票先啦, 唔該 . . .
我只系得兩日來回, 你要我遲四個鐘去, 不如叫我唔好飛吧啦 . . .
依家究竟系唔系你地CX 又Oversales ?!! ::mm2391 

地勤姐姐: 唔好意思, 系Oversales 咗 . . .

小肥: 唉, 原來CX 又搵你地難做 . . .
 我唔會轉飛首爾, 你唔駛煩啦, 可以 checkin 就call 我返嚟啦.
唔好介意唔系你嘅問題辛苦晒 . . . ::mm2218 

 . . . 

小肥攞住地勤姐姐質比小肥嘅HK$40.- coupon 去咗M記hea . . .
無耐, 就收到call, 返上去checkin . . .

CX 為咗賺多D , D地勤人員抓爛塊面 . . . 
你話幾陰功! . . . 唉 ::mm2414 

講真CX 又唔系咁差, 但已經分咗航線同其他航空公司合作, 咁都仲要oversales嚟賺多dd . . . ::mm1673 

 . . . .

搞到張 Boarding pass 都成12點, 嗱嗱聲到過關, 等上機

因為, 小肥怕C, 一定要坐機尾窗口位, 
呢次又遇到香港東x團 . . .

好在, 旁邊坐兩位日藉小姐, 仲比機會小肥幫手抬行李 . . . ::mm2065 

航機未夠6點已經到咗成田附近,
但由於航空管制, 早上6點前唔可以飛入日本領空 . . .

飛機只好不停打圈 . . . ::mm1496 

埋到閘口都只系6:10 . . .

可惜, 今日航班多, CX 又唔肯比多少少BOOK 近D嘅閘口 . . .

小肥只好行, 行, 行咗成5分鐘, 再繼續喺入境counter 排隊 . . .

趕唔到6:30嘅 京成バス唯有坐7:30 . . .

京成バス直達JR吉祥寺駅 , 不過要3100Yen

準備上巴士啦. 出口右手邊, 9番. . .
落車執咗兩個飽就向 井の頭恩賜公園出發
500公尺, 話咁快就到
雖然只系 10點未夠, 不過, 今日星期六. . .
好在陽光伯伯比面
湖邊嘅櫻花妹妹依然漂亮::mm1582 
咦, 做咩你拈花惹草呀 . . . ::mm1544 
懶得啋你. . . 
嘿, 又系一地霸位先鋒 . . .
櫻花妹妹陪住爬艇仔 . . . 正::mm1630 
櫻花妹妹嘅妝染到湖上 . . .::mm2217 
鴨鴨亦成為Model ::mm2256 
沿湖邊邊行邊享受 . . . ::mm2174 
回程KO 咗條大肉腸 . . .
井の頭恩賜公園 果然值得嚟 ::mm2371 

待續 . . . 



46 則留言:

留言需待驗證後才會公開

  1. 最初一睇 CX 姐姐同你嘅對話,真係忍唔住哈哈大笑,後來先知原來佢地都係受害者,難怪成日都會聽到 CX 嘅負面消息啦!
    Anyway,藍襯粉紅冇得頂呀!:-bd

    回覆刪除
    回覆
    1. 嘻嘻,咁講啦,做生意要賺錢,天經地意。但,系唔系要賺到盡,同要乜手法,呢樣最難。而CX嘅手法就最受爭議 >:)

      刪除
  2. 莫講話你只係兩日一夜,就算我去成個禮拜都唔會轉機,損失嘅時間唔係金錢可以代替::mm2218
    藍天下嘅櫻花妹妹真係好靚::_1856

    回覆刪除
    回覆
    1. 啱聽!小肥都好怕改嚟改去,爽快D好 ^。^

      刪除
  3. 可能佢見你一丁友易話為?不過出手太低,得五舊。:-q

    回覆刪除
    回覆
    1. 嘿,佢地唔系只睇中月巴,我見旁邊一位單身日籍男士,另外兩名港女都願意轉機,仲系度不斷講價 :D

      刪除
  4. 哎呀,我今次都係坐CX喎,不過係早機。我book機票時佢地就成日問我坐唔坐凌晨機,所以仲以為凌晨機冇人坐添 :P

    回覆刪除
    回覆
    1. 嗯,有可能系無乜人坐架!我呢班系星期五收工後返日本嘅首選,所以特别好賣 :P

      刪除
    2. 佢地sell 我就正正係哩班機, 不過人老喇捱唔到眼瞓, 都係星期六早機好d ::_344

      刪除
  5. 請教請教, 為何怕C要坐機尾窗口位?
    通常我會盡量前, 因想快D落機:P
    得果$500, 仲係得一程upgrade, 我都唔制啦, 你之前自己無上網劃定位嗎?

    回覆刪除
    回覆
    1. 醫生問病人,病人話 ~ 飛機分前中後三部分。期中機翼(中間)最高危,因為有油庫;而且發生碰撞時,機翼前後最易受力,折斷。機頭位置系另一個正面撞擊位,屬第二高危。機尾位置,特別系廁所同機翼折斷位距離最遠,加上絕大剖份空難墮毀個案證明,機尾完整性較其他部分為高。^。^ 窗口位主要系靚景,另外系小肥坐㡳咗就多數留到落機先離位,路口位嘅乘客出出入入都唔怕受影響 :D

      刪除
    2. 小肥一般都唔需要上網自己再划位,因為多數都系出機票時已經confirm埋。今次CX都系比番原先個位比我,只系我無預先網上checkin 佢地先試吓我個價 >:)

      刪除
    3. CX都有得預先劃位咩? JAL同ANA我就一定出票時劃埋位, 試過一次CX話冇得劃就一直冇再試. 通常係網上 check in 時至劃.

      刪除
    4. 朋友, 你搵邊個做AGENT 先?? CX 假期就梗系叫你食自己啦 !! 我一向訂位都系叫Agent 先 hold位, 到期前再延長, 一直延至 hold 唔到先比$$ ::mm2415 網上check in 我唔會做, 因為, 隨時會唔飛, check in 咗退票有困難 . . . ::mm2414

      刪除
    5. 咁係咪飛完先俾$,係就介紹我識好喎。

      普通人online check in三日前做,都俾咗錢啦?

      刪除
    6. ?? koosan 未試過退票??
      出咗票唔飛時 check in 咗未, 辦退票時間都會影響退票扣嘅金額啊!! ::mm1673 你地唔知?? 出飛就一定要要比錢.
      我講嘅系如果想2月飛, 我會今日就 hold位, 正常航空公司唔會有問題, 一般3-4星期會要求確認 booking, 唔確認就無咗, 我嘅agent 會幫我 rebook, 咁又可以再諗多3-4星期, 直到 航空公司唔比你再rebook 先決定 出唔出飛. 如果, online checkin 咗系退唔到$$架!! ::mm1581

      刪除
    7. btw, 我用開個agent 真系有30日數期 ::mm2065 當然, 系因為公司用開 . . . .::mm2184

      刪除
    8. 除工作外,自己買去玩,就無試過退咯。

      我意思係,CX普通人三日前先可以online check in,唔計天災人禍,三日前都應該知自己去唔去,你唔會等到last minute,到counter前先決定飛唔飛?

      你2月飛,agent幫你rebook,hold10個月?

      刪除
    9. 系呀. 如果唔系我一個人飛, 有團友跟嘅, 我會早d 同agent 講hold 位, 佢地可以入到系統. 街外人唔得. 我12年去北海道早七個月hold.
      CX普通人三日前先可以online check in . . 明白晒. 有買旅遊保險嘅, 唔駛擔心天災人禍啦. ::mm1581 系我可能突然間要開會, 咁就要團友自己先出發. 咁咪唔可能3日前checkin 囉. 到時我會搵agent 即刻改飛, 或者自已補張貴飛追返團友 ^0^ 唔用嗰張就搞退票. . . 唔系咁, 都唔會成日有人肯跟我團啦. ::mm1544

      刪除
    10. btw, CX 15年2月嘅平飛, 上星期問已經要 on waiting list. 因為, 好多同agent 熟嘅都知道hold 位辦法, 你問吓 kitty 就知 . . .::mm2373

      刪除
    11. 咁我明lu,即你有機會隨時變卦,咁有等last minute先算la。 :))

      kitty姐個waiting list,我都有聽過。:D

      刪除
    12. 以我所知及經驗,經Agent book CX 係唔駛即時出ticket,會有個deadline,幾耐就要睇吓CX俾幾耐,如果到咗deadline仲有位嘅話,可以rebook去extend個deadline,無位的話就要出ticket

      至於hold位,我試過有一年10月時想book CX嘅package下一年嘅Easter去日本,當時價錢一定未有,但如果等到有價錢先book機位的話一定會遲,為免到時無位,agent可以幫我先book咗機位然後等CX出價錢,嗰次終於等到2月頭先有價錢,可惜想book嘅酒店已經full,其他有房嘅又唔啱,最後都係浄出機票

      另外,CX一向係出發前48小時先可以online check-in,唔係3日前,其實大部份class嘅機票都可以响book咗之後响網上劃位,經agent嘅可以叫agent幫你劃,CX網頁book嘅會响做booking時已經可以劃,之後可以不時入去睇吓有無好D嘅位可以改 (可以隨時自己响網上改而唔駛經agent),有時CX會突然改機種,咁你之前劃嘅位會唔同咗

      至於換機票,任何响網上check到有位嘅flight都可以book,包括凌晨機,劃位的話AM member好似唔可以即時劃,但Marco Polo member有D就可以,不過好似要睇tiers,有D好似要出發前6個月,不過覺得有時係要睇當時個customer service點做,最好confirm咗後即時問佢,waiting都係要睇tiers,越高的話(e.g. Diamond)個priority越高

      因為我哋去日本大多數都係坐CX (為咗mileage),試過經agent又試過online book,加上我老公成日出trip 都係坐CX/KA,而且平均每年都會換一次機票,所以都知到多少少

      不過我就從來未試過唔飛要退票囉...

      刪除
    13. 嘩...原來我咁多口水,寫咗咁多

      刪除
    14. 唔該3J詳盡解釋。:))
      唔係72小時,原來48小時,記錯。

      因為我最早唔明典解月巴先生一定唔online check in,所以覺得奇怪。原來佢有需要最後關頭選擇refund,如果係咁,就明哂喇。

      刪除
    15. 嘻嘻,唔該晒3J (m_ _m) 原來有咁多Blog友未知道經Agent 出飛嘅優勢。小肥唔系成日都退票,但好多時需要改行程,變咗一套來回機票只用到一程,另一程喺期限前用唔到就要退 ^.^

      刪除
    16. 我自從認識priceline後,好似03年開始,都無再用返agent,可能我個agent麻麻地。

      刪除
    17. コーさん,我都有用priceline,貪佢可以用信用咭俾錢,send個email就攪掂,之前搵開個男仔幾好架,做嘢又快,好多問題佢都好快答到我,咩rebook/hold 位都係佢幫我做,可惜年幾前已經無做,之後好多時自己上CX online book,不過要即時confirm俾錢 (最多只可hold一日),如果係confirm一定去的話無問題,但如果心大心細可能會有變數,經agent book會好D,起碼有多幾個禮拜考慮

      依D只係一般正常book位情況,如果係book D廉航要搶飛就用唔著了

      刪除
    18. 如果priceline,網上最出名應該ms mock? (真係mock,唔係mok)

      由03年開始揾佢,至上年13年都係,我見佢由初初officer升幾級到asst. mgr.,應該唔走啩?今明年都係LCC咯,下年1月都搶咗OKA,8張,我估之後可能都係LCC,再加AM redeem tickets,如果旅遊,買開平飛好難返轉頭,除非有緊要事飛啦。:))

      刪除
    19. Ms. Mok响ec2japan好出名,最初都想搵佢,可能佢太忙搵唔到,後來求其搵咗嗰個男仔,見佢又幾好,所以無再轉了

      個人始終對LCC唔太喜歡無乜信心,一來航班時間唔啱心水,二來依樣又要俾錢嗰樣又要俾錢,三來驚航班延誤,總之唔想開開心心去旅行攪到一肚氣,情願俾多少少錢可以有多少少保障,雖然我都成日話CX D service越嚟越差

      你話買開平飛好難返轉頭,我買開貴飛都係一樣,今次飛東京坐CX連程稅一張都成4千幾,已經可以買兩張平飛了

      刪除
    20. Ms Mock真係好忙,高峰期試過留voice mail,過半日先覆,依家就email俾佢算數。

      如果hkairlines唔算LCC的話,我只撘過一次,已結業的Airasia Japan。今次再試hkexpress,試試如何。

      $4k+連稅其實不貴,去問priceline都要$3k+。

      依家有小朋友同行,好多時都攞咗premium service,行priority line登機,訂特別餐/兒童餐又可以攞先,額外換多少少service。




      刪除
    21. 嘻嘻, 3J 呢個 [買開貴飛好難返轉頭 . . . ] 真系無得搞架, >:) 小肥用開Agent, 一個電話就落晒order; Passport, Marcopolo , AM, ANA , JAL 編號 AGENT 都有, 我咩都唔 駛做,邊有得返轉頭. . . ::mm2184 試過一次ANA 有平飛, 自己上網划, 左填, 右填, 天要等確認, 細胞都C 咗唔少. . . .

      刪除
    22. 係架,如果係用慣用熟嘅agent,基本上你俾個來回程日子佢,佢已經可以搵哂所有資料俾你揀,到時又會提你出飛,尤其小肥依D工事繁忙嘅人,點會有時間伏响電腦度慢慢搵慢慢填呢...

      刪除
    23. 咁又估唔到喎,我見月巴先生咁有心機出post,留言,又等閒share日本新資訊俾大家,估唔到填form買飛都懶。::mm1580

      唔通月巴先生有agent幫手出post?::mm2184

      刪除
    24. 嘻嘻,小肥喺知床就講過啦。比$$可以解決嘅問題,小肥就寧願人地賺多D,都唔會要自己煩惱。出去玩,求開心呀! >:)

      刪除
  6. 小肥,你個版睇到我有小小辛苦呢!!可憐下老人家眼唔好,不過死都要繼續睇⋯⋯哈哈⋯⋯
    其實我真係甚少坐CX,唔用里數出機位可唔可以揀零晨機呢?

    回覆刪除
    回覆
    1. 嘿嘿, 版面有櫻花妹妹好好睇, 你唔 好扮年紀大呀. ::mm2184
      用里數出機位可唔可以揀零晨機 ? 呢樣我唔知噃, 因為, 我都無特別留意 . . .
      但唔用里數, 比$$出機位一定可以揀零晨機啦. 零晨機喺網上訂位系統唔系最平, 高一級就可以. ::mm2376

      刪除
  7. Online check-in 穏陣啲,唔俾機會佢試你價嘛,哈哈.....

    回覆刪除
    回覆
    1. 不過唔好勞氣啦,有靚景補數

      刪除
    2. 嘻嘻, 江湖傳訊 ~ 當航班超賣, 而你又較遲到機場check in (又未到last call), 地勤可能因應情況 upgrade 你上商務, 當然首要你系 Marcopolo 會員!! 小肥正常check in 都試過被upgrade :P
      嘿嘿, 我一D 都無勞氣, CX 嘅惡行, 大家都早已清楚, 地勤控制唔到, 大家唔好搵佢地出氣. 哈哈哈 ::mm1544

      刪除
  8. 估唔到~~唔係復活節都oversales?!
    不過得2日1夜~俾夠1k都唔肯啦....

    回覆刪除
    回覆
    1. 嘻,你有所不知啦。小肥呢張機票不含税都要4千,即使CX比一千你,張票仍然以3千出咗,比Fanfair計 CX一樣賺咗你錢,咁你明白㸃解関西成日oversales未? ^.^

      刪除
  9. 其實真係好唔明Oversales的機制, 對d客真係好唔公平, 地勤又難做! 好在小肥你最後順利上到機!

    井の頭恩賜公園 真係一個賞櫻的熱點, 有湖有花, 正!
    藍天跟粉紅色的櫻花配搭真係絕美~~~(讚)

    回覆刪除
    回覆
    1. 嘻嘻, 東京賞櫻嘅地點其實好多, 只系時間要好好選擇 ::mm2376
      Oversales 的機制, 其實簡單講系 CX 自己將一條路線同其他航空公司同享, 其他航空公司會先預留一定機位數量, 但可以因應實際而上升或下降. CX自己就照未留嘅數量賣飛; 到其他航空公司確認數量後, 由於CX一定要先比位其他航空公司, 再加上香港旅行社出飛嘅數量, OVERSALE 嘅情況就可能會發生, 一般都會系飛日本航線. 喺呢個時候, 如果, 你未喺網上CHECK IN hold 起機位, CX 就會希望你轉另一班機 . . . . 例如你經JAL 訂CX直航到千歲, 你上機會系優先. 但如果你經CX訂, 佢就有機會 叫你轉機. 當然, 亦有機會 UPGRADE 你坐 [商務] !! ::mm2065

      刪除
    2. 經小肥你解釋之後, 明左喇, 謝謝!
      表弟之前去大阪遲CHECK IN, 就係咁樣畀佢搏到坐商務, 我就細膽, 通常一早搵相熟agent mark左位先, 唔想影響一家行程XDD

      刪除