菠蘿雞 – 2011年北海道7天新春雪祭破冰行大運之旅 … 年初四
其他blog 友唔知點睇, 我自己對十勝川溫泉第一ホテル豊洲亭・豆陽亭 就相當OK 
check in 有流利英語, 安排唔可以話好完美, 但 … 應該有的都有
check in 有流利英語, 安排唔可以話好完美, 但 … 應該有的都有
溫泉唔單只系美人湯, 重有檜木, 露天, 高溫, 底溫, 蒸汽 …總之就系各式各樣, 啱晒我地人多又心多 … 
一覺訓醒就襯人少D, 去露天風呂影吓相, 又浸吓 …
D水氣因為溫差大, 特別勁…
最後要走到最外面先影到張 …
天色有點灰 … 諗起因為禽流感無得餵天鵝 … 點會唔灰
好在, 浸晒樓上樓下咁多個池 … 爽番晒
早餐都OK, 選擇夠多, 雖然一路都有幾多日本人一齊食早餐, 但唔嘈 … 因為, 最嘈應該系我地, 竟然撞唔到其他香港人 … 奇怪
唔通, 香港人都過晒隔離間「三余庵」~~~ 哈哈
無坐酒店車出帯広, 當然系因為太早啦 … 9:20出到去先10點未夠, 吹風咩
不過, 一過咗 check out 高峰時間, 又真系人影都唔多隻 …
確認咗巴士班次同時間, 就要自己搵節目 …
當然又嚟系又影, 唔系又影 …
哦, 點解有隻貓 . . . ?
哈哈, 原來玩緊貓捕雀(水鴨) . . .
就喺酒店前嘅小溪 . . .
應該系酒店排放嘅溫泉水, 令前面嘅小溪一直都保持溫暖同滋養咗好多小魚, 吸引水鴨同天鵝嚟呢度休息 …
團友嘅指定活動又開始 …
我就話呢個小斜坡比【彩凛華】嘅雪梯好玩 …
最緊要系我地包場, 點玩都得 …
玩到夠鐘先攞行李上巴士, 出帯広 … (呀補充一下資料, 從下面幅相嘅角度,元祖豚丼就啱啱喺溫度計嘅正後方, 兩座大廈中間, 好易搵到. 
而想坐觀光巴士, 好似我9月份咁遊一吓帯広, 旧幸福駅, 紫竹ガーデン(紫竹花園), 旧愛国駅, 真鍋庭園,咁就喺溫度計嘅右手邊個巴士站售票處比$$同攞飛, 佢地會幫你安排上車 不過, 唔好要求佢地會講流利英語, 簡單都唔得 )
而想坐觀光巴士, 好似我9月份咁遊一吓帯広, 旧幸福駅, 紫竹ガーデン(紫竹花園), 旧愛国駅, 真鍋庭園,咁就喺溫度計嘅右手邊個巴士站售票處比$$同攞飛, 佢地會幫你安排上車 不過, 唔好要求佢地會講流利英語, 簡單都唔得 )
負3度, ok啦
又喺元祖豚丼
一來系貪佢近, 二來系食過番尋味 …
最搞事系元祖豚丼嘅嬸嬸竟然記我地琴日嚟過, 落單時已經不停咁同我地講嘢; 埋單時又千多萬謝咁送到我地出門口 … 
幾乎幫埋手囉行李 
而我地嗰兩句日文又真系有限得可以 … 
一家單以一種食物經營幾十年嘅老店, 嬸嬸嗰種人情味 …
日本 … 我又迷失啦
迷失還迷失, 行程繼續 …
14:14至 18:49 去網走要坐足4個半鐘 …
當然唔系坐普通車 …
去到網走駅, 天黑晒 …
今晚住嘅 東横イン網走駅前主要系夠近車駅 …
又系做緊推廣, 開張卡, 再攞折扣, 計落有著數 …
6000零Yen一晚, 又幾ok噃, 下次可以encore …
仲要提供簡單早晚兩餐 …
晚餐系咖哩飯. 早餐系飯團, 麵豉湯同麵包 …
最正系lobby 有兩部公用電腦, 自由上網同打印, 真正系麻 雀雖小 ,五臟俱全 … 讚
不過, 剩系咖哩飯又點夠我地食 …
出咗酒店轉左一路行, 行, 行 … 其實當時真系有d後悔 
都唔明點解咁凍重要扶老攜幼摸黑系咁行 …
系咁行 …
經過KFC 小團友已經嘈住要食 …
好在行多個街口就見到消防局後面嘅 網走ビール館
呼, 鬆晒 … 
呢間網走啤酒館附屬嘅烤肉店, 好多blog友都話正 …
厚切, 薄切, 和牛 … 亂叫一餐
人地真系肚餓嘛 …
小團友就食拉麵同石頭飯 … 都ok好食
待續
小肥 : 我同你一樣 , 覺得 "十勝第一" 勁掂呀 . (拍爛手掌) 最正係果個面向大橋既露台 .
回覆刪除而 "三余庵" 就只係聽過 , 從未住過 , 因為已經唔需要咯 .
Bye Bye !
[小肥回覆02/21/2011 19:06:00]哈哈, "十勝第一" 勁掂呀 . . . 咁都要等你寫到先有得睇 . . . 嘿, "三余庵" 我都仲未有本$$$擺落PLAN, 等吓添
我都係東橫INN既長期捧場客黎架, 我專係用呢間酒店黎平衡番貴貴既溫泉酒店架, 佢地近排仲有額外優惠添, 星期日七折(定八折??)星期一八折(定七折??)總之就抵上加抵喇
回覆刪除我都鍾意有咁多個溫泉可以試吓呢樣試下嗰樣架,好....一於下次試一試佢
[小肥回覆02/19/2011 23:55:00]嘿, 用東橫INN嚟平衡溫泉酒店 . . .都可以系一個辨法,$$$. 不過, 最怕差落差太大會破壞整個行程嘅感覺呢 第一, 我推介 啱香港人
我都認為十勝第一唔錯，但三余庵更好。Reception英文OK但帶我哋上房個日本妹好唔掂，講嘢又快又冇表情，唔得寬容。
回覆刪除我嗰晚有香港人，仲有旅行團縱X遊，唔肯定一團定兩團，但我哋遇到個台灣團勁克人憎，話說我哋睇完彩凛華後坐酒店車返酒店，等到夠鐘都仲未開車，原來個司機等緊班台灣人，後來個領隊氣沖沖上車同司機講佢哋未齊人，叫司機等多陣，個司機感覺好為難，但都免為其難等多一陣，仲同我哋响車上等緊嘅人講唔好意思，終於等咗15分鐘嗰D人先施施然上車，勁樣衰，真係想媽义佢哋。
[小肥回覆02/19/2011 23:24:00]哈哈, 又比你遇到添. 酒店去彩凛華嘅車只有兩班來回, 司機好為難就一定啦 . . . 跟團嘅朋友相對比我地自由行嘅少外遊, 自然都會覺得比咗$$ 一定要用盡每分每秒 . . . 可惜, 又影響到其他人, 又唔表示歉意 . . . 算啦, 你嘅46次經驗總唔會每次都撞到呢種情況, 當系比個藉口, 準備再嚟一次啦
基本上都唔知會唔會再去十勝住..路過都可能會，因為..彩凛華去過就算
回覆刪除呢晚晚餐好似好"得"
[小肥回覆02/19/2011 23:12:00]
唔, 唔會再去十勝都無問題, 我代你去 彩凛華其實真系要對音樂有興趣嘅先至會投入D . . . 我地咁為食, 又貪玩 . . . 都叫做欣賞過啦. 不過, 如果我11年再睇薰衣草, 就一定會試吓夾時間嚟十勝睇營火蟲 . . . 好正嫁. . .
嘿, 唔係你話我 post得少, 我真系唔敢拎出嚟比人知我地可以一次食咁多嘢, 我真系驚嚇走晒你地 . . . 不過, 呢餐 . . .得 而且, 鍾意飲嘅, 呡間滿足到你
我都想下次去十勝時(唔知幾時), 住吓呢間, 真係好唔錯喎! 食烤肉都係我其中一個mission, 不過失敗咁! 呢餐見到就想食啦!
回覆刪除[小肥回覆02/19/2011 22:51:00]嘿, 我話 . . . 如果你會再到十勝, 你點都會住一住三余庵, 見番個嬸嬸, 影多張相就真 . . . 或者, 就好似有blog友都奇怪, 我可以一年住幾次Tomamu 一樣 . . . 迷失日本 ~ 唔系在於硬件 第一我鍾意佢嘅平衡 . . . 同埋可以唔當我系外國人 . . . 呢餐烤肉並唔系我刻意安排, 只系出發前有團友提出想試多D魚生以外嘅體驗, 所以札幌就拉麵壽司, 小樽就甜品魚生, 帯広 就甜品 豚丼 , 網走就烤肉, 雪祭就掃街 . . . 盡之食到盡, 玩到盡
你咁多人食都唔算多, 點解成日都可以組到菠蘿雞團, 長去長有...厲害! 我地3條友都叫得唔少, 咩鬼都叫來試.
回覆刪除我原來系到諗住一晚十勝第一, 住一晚三余庵, 你個到夕食麻麻, 咁就要考慮去, 或者去住北海道hotel, 佢地d餐廳成日攞獎, 食物質數唔錯
[小肥回覆02/21/2011 19:24:00]哈哈, 有多啦. 我又唔系牛魔王 . . .而且, 一邊飲一邊食 . . . 好易到. . . 一定唔及你咁好食力 組到菠蘿雞團 就梗系多謝各方友好比面啦 平常去北海道都有10零個家庭有興趣, 但系, 唔同人有唔同出發時間限制, 我自己就盡量唔出農曆年 所以, 睇花又得, 睇雪又得, 1 年四季都飛得. . .如果 我仲有大假 . . . 第一嘅夕食唔可以用我嗰個作準, 只系因為無自助餐, 團友又唔多LIKE呢D嘢, 所以, 就自己加餸. 其實, 應該可以系合格嘅 . . . 當然, 以你嘅標準, 你就真系要認真諗諗 . . . 帶埋我去試食呀
D牛肉好多雪花 燒肉+啤酒+白飯或冷麵, 正! 我都有考慮過東橫+ 網走ビール館 .
回覆刪除[小肥回覆02/21/2011 18:51:00]哈哈, 唔好掛住睇啦, 整個藉口比自己親身試吓, 睇吓小肥系唔系亂吹 . . .
東橫inn雖然唔夠靚,但佢的位置都好好, 其實你地幾多個人一齊去玩呀
回覆刪除[小肥回覆02/21/2011 19:28:00]嘿, 呢間東橫inn位置又真系好 今次比較少人, 主要系因為農曆年成本高. . . 幾多個人 ? 嘻, 溫泉酒店用3間房, 東橫inn要用5間. . .你計吓啦
東橫inn直頭係我係日本的至愛, 除左張被!
回覆刪除你間燒肉店好得甘! 和牛真係好和呀!
[小肥回覆02/21/2011 18:49:00]哈哈, 唔post都唔知東橫inn原來咁多fans . . . 好彩, 我唔系講壞話啫 呢間 網走ビール館 有機會真系可以試吓 不過, 鍾意飲兩杯嘅更啱, 呢到好好多搞鬼啤酒 . 嘿, 和牛又好, 肥牛都好, 總之就系喺北海道 mug都好食d . . .
東横イン 真係ok㗎，又平又乾淨，我住過扎榥站北口嗰間，抵呀！
回覆刪除[小肥回覆02/21/2011 16:56:00]哈哈, 稀客呀 歡迎歡迎 你系我第一個"訂閱者" 真系要多D過嚟留言呀
wa....呢間烤肉店好正呀~
回覆刪除